Դաշտի ծառայութեան ժողովները, ինչպէս բոլոր ժողովները, Եհովային կողմէ կարգադրութիւն մըն են, որոնց միջոցաւ կրնանք սիրոյ եւ բարեգործութեան մղել իրար (Եբ. 10։24, 25)։ Ատոնք պէտք է հինգէն եօթը վայրկեան ըլլան, որուն մէջ հաշուուած են՝ խումբերը կազմակերպել, թաղամաս նշանակել եւ աղօթել (եթէ հաւաքավայրը տեղի կ’ունենայ ժողովէ մը ետք, ատիկա ա՛լ աւելի կարճ պէտք է ըլլայ)։ Վարողը պէտք է պատրաստէ նիւթ մը, որ այդ օրը ծառայողներուն համար գործնական պիտի ըլլայ։ Օրինակ, եթէ հաւաքավայրը շաբաթ օրն է, թերեւս ներկաներէն շատերուն համար մէկ շաբաթ եղած է որ ծառայութեան չեն ելած։ Անոր համար թերեւս գործնական է, որ նկատի առնուի թէ տանտէրին ի՛նչ կրնանք ըսել։ Ուրիշ ի՞նչ նիւթեր կրնան օգտակար ըլլալ։

• Քրիստոնեային կեանքն ու ծառայութիւնը. Ժողովի տետր–էն բացում մը

• Ինչպէ՞ս կրնանք նոր պատահած դէպք մը կամ լուր մը օգտագործել, որ մէկու մը հետ սկսինք խօսիլ

• Ինչպէ՞ս կրնանք առարկութեան մը պատասխանել

• Ինչպէ՞ս կրնանք պատասխանել Աստուծոյ չհաւատացող մէկու մը, բարեշրջութեան հաւատացող մէկու մը, ուրիշ լեզու խօսող մէկու մը կամ թաղամասին մէջ ծանօթ չեղող կրօնքի մը պատկանող մէկու մը

• Ինչպէ՞ս կրնանք գործածել jw.org կայքը, JW Library^® էփը կամ Սուրբ Գիրքը

• Ինչպէ՞ս կրնանք Ուսուցանելու գործիքներու տուփէն գործիք մը գործածել

• Ինչպէ՞ս կրնանք ծառայութեան որոշ տեսակի մը մասնակցիլ. օրինակ՝ հեռաձայնով վկայել, նամակ գրել, հանրային վկայութիւն, վերայցելութիւններ կամ Աստուածաշունչի ուսումնասիրութիւններ

• Յիշեցումներ հետեւեալներուն մասին. ապահովութիւն, պարագաներուն յարմարիլ, լաւ վարք ունենալ, լաւատես ըլլալ կամ ասոնց նման բաներ

• Աւելի լաւ կարդանք եւ սորվեցնենք գրքոյկէն դաս մը կամ վիտէօ մը

• Ինչպէ՞ս կրնաս հետդ ծառայողը քաջալերել եւ իրեն օգնել

• Ծառայութեան հետ կապ ունեցող համար մը կամ ալ քաջալերական փորձառութիւն մը