Մտերիմ ընկերները լաւ օրերուն մեր ուրախութիւնը կ’աւելցնեն, իսկ գէշ օրերուն մեզի ոյժ կու տան։ Սուրբ Գիրքը կը զգուշացնէ որ ո՛չ ամէն մարդ լաւ ընկեր է։ Ուրեմն, ինչպէ՞ս կրնաս լաւ ընկերներ զատել։ Նկատի առ այս հարցումները։

1. Ընկերներդ ինչպէ՞ս կրնան քեզի ազդել

Ընդհանրապէս, ժամանակի ընթացքին կը սկսինք նմանիլ այն անհատներուն, որոնց հետ ժամանակ կ’անցընենք։ Անոնց ազդեցութիւնը կրնայ լաւ կամ գէշ ըլլալ, նոյնիսկ եթէ անոնց հետ կ’ընկերակցինք ինթըրնէթին միջոցով։ Սուրբ Գիրքը կ’ըսէ. «Իմաստուններուն հետ քալողը իմաստուն կ’ըլլայ, բայց անմիտներուն [այսինքն՝ Եհովան չսիրողներուն] ընկերացողը չարիքի կը հանդիպի» (Առակաց 13։20, ստորանիշ)։ Այն ընկերները, որոնք Եհովան կը սիրեն ու կը պաշտեն, կրնան քեզի օգնել որ իրեն մտերիմ մնաս եւ լաւ որոշումներ առնես։ Բայց եթէ ժողովքէն դուրս մտերիմ ընկերներ ունինք, անոնք կրնան պատճառ ըլլալ, որ Եհովայէն հեռանանք։ Անոր համար է, որ Սուրբ Գիրքը մեզ կը քաջալերէ, որ իմաստութեամբ ընկերներ զատենք։ Երբ կը զատենք ընկերներ, որոնք Եհովան կը սիրեն, թէ՛ մենք կ’օգտուինք եւ թէ իրենք։ Այսպէս, կրնանք ‘մէկզմէկ մխիթարել եւ իրարու օգնել’ (Ա. Թեսաղոնիկեցիս 5։11)։

2. Ընկերներ զատելդ ինչպէ՞ս կրնայ Եհովային ազդել

Եհովան ուշադրութեամբ իր բարեկամները կ’ընտրէ։ «Անոր մտերմութիւնը արդարներուն հետ է» (Առակաց 3։32)։ Եհովան ինչպէ՞ս պիտի զգայ, եթէ զատենք ընկերներ, որոնք զինք չեն սիրեր։ Շա՜տ յուսախաբ պիտի ըլլայ (կարդա՛ Յակոբոս 4։4)։ Միւս կողմէ, Եհովան պիտի ուրախանայ եւ մեզ պիտի զատէ որպէս իր բարեկամները, եթէ մերժենք գէշ ընկերակցութիւնը եւ մօտենանք իրեն ու զինք սիրողներուն (Սաղմոս 15։1-4)։

 ԱՒԵԼԻ՛ ՊՐՊՏԷ

4. Մեզմէ տարբեր եղող անհատներ կրնան մեր լաւ ընկերները ըլլալ

Սուրբ Գիրքը կը պատմէ Դաւիթի եւ Յովնաթանի մասին։ Անոնց տարիքները եւ պարագաները շատ տարբեր էին, բայց հակառակ ասոր, հոյակապ բարեկամութիւն մը ունեցան։ Կարդացէ՛ք Ա. Թագաւորաց 18։1 եւ քննարկեցէ՛ք այս հարցումը.

• Ինչո՞ւ պայման չէ, որ մեր ընկերները մեր նոյն տարիքը կամ նոյն պարագաները ունենան։

Կարդացէ՛ք Հռովմայեցիս 1։11, 12 եւ քննարկեցէ՛ք այս հարցումը.

• Եհովան սիրող ընկերները ինչպէ՞ս կրնան իրար քաջալերել։

Այս վիտէոյին մէջ, տե՛ս թէ ինչպէ՛ս պատանի եղբայր մը չյուսացած տեղէն ընկերներ գտաւ։ Դիտեցէ՛ք ՎԻՏԷՈՆ եւ քննարկեցէ՛ք այս հարցումները։

• Վիտէոյին մէջ, Էլիին ծնողները ինչո՞ւ ուրախ չէին իր դպրոցական ընկերներով։

• Սկիզբը, Էլին ինչո՞ւ սիրեց այդ բարեկամութիւնները։

• Ի՞նչ բան անոր օգնեց, որ այլեւս մինակ չզգայ։

 5. Ինչպէ՞ս կրնաս լաւ բարեկամութիւններ զարգացնել

 ԱՄՓՈՓՈՒՄ

Երբ իմաստութեամբ ընկերներ կը զատենք, Եհովան կ’ուրախացնենք եւ մենք կ’օգտուինք։

Վերաքաղ

• Եհովայի համար ինչո՞ւ կարեւոր է, թէ ի՛նչ ընկերներ կը զատենք։

• Ինչպիսի՞ անհատներ պէտք չէ զատենք որպէս ընկերներ։

• Ինչպէ՞ս կրնաս զօրաւոր բարեկամութիւններ ունենալ Եհովան սիրող անհատներու հետ։