2022 թ. հուլիսի 27-ին 7 մագնիտուդ ուժգնությամբ երկրաշարժ է տեղի ունեցել Լուսոն կղզում (Ֆիլիպիններ)։ Առավել տուժել է Աբրա նահանգը։ Ցնցումները զգացվել են անգամ 400 կմ (248 մղոն) հեռավորության վրա գտնվող Մանիլայում։ 2 000-ից ավել հետցնցումներ են արձանագրվել։

• Մեր եղբայրների ու քույրերի շրջանում զոհեր չկան։

• 4 քարոզիչ թեթև վնասվածքներ է ստացել։

• 42 ընտանիք տարհանվել է։

• 63 տուն թեթևակի վնասվել է։

• 1 տուն լրջորեն վնասվել է:

• 13 Թագավորության սրահ վնասվել է։

• Աշխատանքները կազմակերպելու համար աղետից տուժածներին օգնելու մեկ կոմիտե է կազմվել։

• Երեցները հովվական այցելություն են անում տուժածներին։

• Բոլոր աշխատանքները իրականացվում են COVID-19 համավարակից պաշտպանվելու կանոնների համաձայն։

Մասնաճյուղը անհապաղ հումանիտար օգնություն ուղարկեց տուժած շրջաններ և ժամանակավոր կացարաններ տրամադրեց տարհանվածներին։ Տեղի քարոզիչներն էլ, չնայած նրան, որ իրենք էլ երկրաշարժից տուժածներ էին, օգնեցին միմյանց։

Մենք վստահ ենք, որ Եհովան կփրկի և կպահպանի մեր եղբայրներին ու քույրերին «նեղության օրը» (Սաղմոս 50։15)։