2019 թ. նոյեմբերի 9-ին Էլդորեթում (Քենիա) տեղի ունեցավ աստվածաշնչյան դպրոցների նոր շենքերի նվիրումը։ Քենիայի մասնաճյուղի կոմիտեի անդամ եղբայր Բենգթ Օլսոնը ներկայացրեց նվիրման ելույթը։ Ծրագրին ներկա էր 1 199 մարդ, այդ թվում՝ մոտ 500 հատուկ լիաժամ ծառայողներ, որոնք եկել էին երկրի տարբեր մասերից։ 433 քառակուսի մետր (4 660 քառակուսի ֆուտ) մակերես ունեցող համալիրում անցկացվելու են Թագավորության քարոզիչների դպրոցը (ԹՔԴ) ու Շրջանային վերակացուների և նրանց կանանց համար դպրոցը։ Նախատեսվում է, որ ամեն տարի առնվազն չորս դասարան կսովորի ԹՔԴ-ում։

Դպրոցների համալիրը կառուցելու համար ձևափոխվել են մասնաճյուղին պատկանող շինությունները։ Նախկին միսիոներական տունը ձևափոխել են, որպեսզի դպրոցն ունենա լվացքատուն, խոհանոց և ճաշարան։ Իսկ Թագավորության սրահը դարձել է դասասենյակ։ Աշխատանքները սկսվել էին 2019 թ. ապրիլի 1-ին, և սեպտեմբերի 9-ին դրանց մեծ մասն ավարտվել էր։

Խոսելով դպրոցների կարևորության մասին՝ եղբայր Օլսոնն ասաց. «Արևելյան Աֆրիկայում դեռ շատ մարդիկ կան, ովքեր ուզում են ճանաչել Աստծուն։ Վստահ ենք, որ այս դպրոցներում ուսանողներին տրված կրթությունը կարևոր դեր կունենա ապագա աճի հարցում, քանի որ գնալով ավելի շատ մարդիկ են հորդում դեպի Եհովայի լեռը» (Միքիա 4։1)։