2024 թ. սեպտեմբերի 26-ին 4-րդ աստիճանի ուժգնության «Հելեն» փոթորիկը անցավ Ֆլորիդայի ծովածոցի ափեզրով (ԱՄՆ)։ Այս ավերիչ փոթորիկը տեղատարափ անձրևների և ուժգին քամիների պատճառ դարձավ։ Քամու պոռթկումները ժամում հասնում էին 225 կմ-ի (140 մղոն)։ Իսկ սեպտեմբերի 27-ին փոթորիկը տեղափոխվեց դեպի ցամաքի խորքերը՝ Ջորջիայում բերելով կործանարար քամիներ, որոնց արագությունը հասնում էր 95 կմ/ժ-ի (59 մղոն/ժամ)։ Հաջորդ օրը փոթորիկը շարունակեց շարժվել դեպի հյուսիս՝ հասնելով Հարավային Կարոլինա, որտեղ էլ առնվազն 3 տորնադո առաջացրեց։ Իսկ երբ այն հասավ Հյուսիսային Կարոլինա, մի քանի քաղաքներում ավելի քան 90 սմ (35 դյույմ) անձրև տեղաց։

«Հելենի» բերած սաստիկ քամիներն ու անձրևները ուժգին ջրհեղեղների պատճառ դարձան և վնասեցին տներ, ձեռնարկություններ և ճանապարհներ։ Ավելի քան մեկ միլիոն մարդ դեռևս մնում է առանց էլեկտրականության։ Առնվազն 180 մարդ զոհվել է։

• Ցավոք, 3 եղբայր մահացել է։

• 7 քարոզիչ թեթև վնասվածքներ է ստացել։

• 1 606 քարոզիչներ ստիպված են եղել լքել իրենց տները։

• 29 տուն ավերվել է։

• 236 տուն լրջորեն վնասվել է։

• 779 տուն թեթևակի է վնասվել։

• 1 Թագավորության սրահ լրջորեն վնասվել է։

• 19 Թագավորության սրահ թեթևակի է վնասվել։

• Շրջանային վերակացուները և տեղի երեցները հոգևորապես քաջալերում և գործնական օգնություն են տրամադրում փոթորկից տուժածներին։

• Աղետից տուժածներին օգնելու 2 կոմիտե է կազմավորվել՝ հումանիտար աշխատանքները կոորդինացնելու նպատակով։

Ցավում ենք, որ այս ուժգին փոթորիկը կյանքեր է խլել։ Այնուամենայնիվ, մեզ մխիթարություն և խաղաղություն է տալիս Եհովայի այն խոստումը, որ ապագայում բոլոր մարդիկ «ապահով կբնակվեն և փորձանքից չեն սարսափի» (Առակներ 1։33)։