Ամբողջ աշխարհում մեր եղբայրներն ու քույրերը jw.org կայքի գլխավոր էջի հոդվածները օգտագործում են իրենց ծառայության ու անձնական ուսումնասիրության ժամանակ։ Դա շատ դրական արդյունքներ է բերել, և դրանցից մի քանիսի մասին կարող եք ստորև կարդալ։

Կանադայից մի շրջանային վերակացու հայտնում է, որ համավարակի առաջին մի քանի ամիսների ընթացքում իր շրջանի քարոզիչների մոտ երեք քառորդը ծառայության մեջ օգտագործել է «Մեկուսացում. ինչպե՞ս դիմանալ» հոդվածը։ Օրինակ՝ մի քույր իր աշխատակիցներից վեցին ուղարկել է հոդվածի հղումը, և նրանցից մի քանիսը նույնիսկ իրենց երախտագիտությունն են հայտնել։

Տոգոյում մեկ այլ քույր, որը շրջագայական ծառայություն է կատարում իր ամուսնու հետ, ««Հայտնության» չորս ձիավորները» հոդվածի հղումն ուղարկեց իր ազգականներին ու ծանոթներին և այժմ Աստվածաշնչի 7 ուսումնասիրություն է անցկացնում։

COVID-19 համավարակի պատճառով որոշ երկրներում դասերը տեսակապի միջոցով են անցկացվում: Սկանդինավիայից մի պատանի քույր շնորհակալություն հայտնեց «Ինչպե՞ս կարող եմ հեռավար ուսուցումս արդյունավետ դարձնել» հոդվածի համար, որն ուղղված էր նման ուսուցում ստացող աշակերտներին։ Մեր քույրն ասում է. «Տնային առաջադրանքներս չէի հասցնում ժամանակին կատարել, սակայն երբ այս հոդվածը լույս տեսավ, առաջարկները կիրառեցի և հունի մեջ ընկա»։

Ամեն օր ավելի քան 1 600 000 հոգի է այցելում jw.org կայքի գլխավոր էջը։

Մենք շնորհակալ ենք Եհովային այս հոդվածների համար, որոնք օգտակար են անձնական ուսումնասիրության ժամանակ, ինչպես նաև օգնում են, որ «ամբողջովին կատարենք [մեր] ծառայությունը» (2 Տիմոթեոս 4։5)։