Աշխատողը պատրաստվում է աղբ որսացող սարքը իջեցնել Սթերլինգ Ֆորիսթ լճի (Կապույտ լիճ) մեջ։ Այդ սարքը թույլ չի տա, որ լճի ստորին խողովակի մեջ մեծ քանակությամբ թափոններ լցվեն։

Շինարարների խումբը տորկրետ բետոն է անում Տեխսպասարկման շենքի տանիքի եզրապատին։ Տորկրետ տեխնոլոգիան շատ ավելի արագ է լինում, քան սովորական եղանակով։

Փաստագրման բաժնից մի լուսանկարիչ շինհրապարակի լուսանկարներ է անում։ Եհովայի վկաների Կառավարիչ մարմինը ամեն շաբաթ նայում է լուսանկարները՝ տեսնելու համար, թե ինչպես է նախագիծը առաջ ընթանում։

Հարավային Կալիֆորնիայից երկու կամավորներ եկել են սանիտարատեխնիկական աշխատանքներ իրականացնելու համար։ Նրանք այն հարյուրավոր կամավորներից են, ովքեր այդ օրը եկել էին Թաքսիդո, որը Ուորվիքի շինարարական աշխատանքների կազմակերպման վայրն է։ Օգոստոսի 1-ին այդ նախագծի համար ռեկորդային թվով նոր աշխատողներ էին եկել՝ 707 հոգի։

Շինարարները կռունկով բարձրացնում են պանելային պատը։ Բնակելի շենքերից վերջինը, որում տեղադրվեցին պանելային պատեր և պատուհաններ, Բնակելի շենք B-ն էր։

Շինարարները տեղադրում են այն կամուրջը, որը պետք է Բնակելի շենք C-ն միացնի Բնակելի շենք D-ին։

Լանդշաֆտային դիզայներները ճիմապատում են արևմտյան կողմի տարածքը։

Շինարարները վերանորոգում են ջրթող ուղին, որը միանում է ամբարտակին։ Այդ կառույցը կառուցվել է 1950-ականներին։ Քանի որ այդ տեղանքում հաճախ մեծ փոթորիկներ ու հորդառատ անձրևներ են լինում, վերանորոգման նպատակն է պաշտպանել Ուորվիքի տարածքը, ինչպես նաև շրջակա տարածքները հեղեղներից։

Որպեսզի տարածքում շատ մարդիկ չխմբվեն, ներքին հարդարման աշխատանքները՝ ներկելը և խողովակների ջերմամեկուսացումը, կատարվում են նաև գիշերը։ Երբ գործում էր երկրորդ հերթափոխը, հարյուրավոր կամավորներ աշխատում էին ցերեկվա ժամը 15։00-ից մինչև գիշերվա 02։00-ն։

Օդափոխման համակարգը տեղադրողներից մեկը սովորեցնում է մյուս աշխատողին ջերմամեկուսացնել խողովակները։

Աշխատողը ներկում է այն կամուրջը, որը Բնակելի շենք B-ն միացնում է Տեխսպասարկման շենքին։

Ավտոկայանատեղիում բազմաթիվ աշխատողներ սպասում են Ուորվիք տանող տրանսպորտին։ Մի քանի ավտոբուսներ աշխատողներին բերում են շինհրապարակ և հետ են տանում իրենց կացարանները։

Կտրում են Ուորվիքում աշխատող երեք կամավորների մազերը։ Թաքսիդոյում, Ուորվիքում և Մոնտգոմերիի պահեստում գտնվող վարսավիրանոցներում ամեն շաբաթ ավելի քան 400 հոգու մազ են կտրում։

Տեղադրվում են կաղապարամածներ՝ երկրաջերմային տեխնոլոգիայով բետոն թափելու համար։ Օգտագործելով մոտ 150 մ խորություն ունեցող 120 հորեր՝ այդ համակարգը ձմռանը հավելյալ ջերմություն կմատակարարի, իսկ ամռանը կզովացնի։ Երկրաջերմային էներգիայի ստացման շնորհիվ նվազեցվում են ծախսերը, ինչպես նաև շրջակա միջավայրին հասցված վնասը։

Գնված ապրանքները տեսակավորում են Ուորվիքում կատարվող շինարարական աշխատանքների համար։

Ուորվիքից երկու աշխատողներ (աջից երկրորդն ու երրորդը) ճաշում են Թաքսիդո Պարկում բնակվող մի ընտանիքի հետ։ Այս ընտանիքի պես՝ Եհովայի վկաների մի քանի ընտանիքներ բացել են իրենց տան դռները, որ հյուրընկալեն այդ նախագիծն իրականացնող կամավորներին։

Աշխատողը նեվիլիրով չափում է տարածքի մակերեսի հարթությունը։

Գլխավոր նախասրահում, որտեղ այցելուները գալու են էքսկուրսիա անցնելու, ավարտվել է պատուհանների տեղադրումը։

Բնակելի շենք B-ն վերջինն էր, որում մայիսից օգոստոս ամիսներին տեղադրվեցին պանելային պատերն ու առաստաղները։ Տեղադրվեցին շենքերի միջև բոլոր հետիոտնային կամուրջները։ Սկսեցին իրականացվել լանդշաֆտային դիզայնի հետ կապված մի շարք նախագծեր։