Հունիսի 9-15
ԱՌԱԿՆԵՐ 17
Երգ 157 և աղոթք | Բացման խոսք (1 ր)
Իսրայելացի զույգը խաղաղ մթնոլորտում համեստ ընթրիք է վայելում
1. Կողակիցնե՛ր, խաղաղ մթնոլորտ պահպանեք
(10 ր)
Խաղաղություն պահպանելու համար պետք է շատ ջանք թափել, բայց արժե այդպես վարվել (Առ 17։1; տես նկարը)։
Փոքր հարցերից մեծ խնդիր մի՛ սարքեք (Առ 17։9; g 9/14, էջ 11, պրբ. 2)։
Զսպեք ձեր հույզերը (Առ 17։14; w08 5/1, էջ 10, պրբ. 6-էջ 11, պրբ. 1)։
2. Հոգևոր գանձեր
(10 ր)
-
Առ 17։24 — Ի՞նչ իմաստով են «հիմարի աչքերը այստեղ-այնտեղ թափառում» (it-1, էջ 790, պրբ. 2)։
-
Աստվածաշնչի այս շաբաթվա ընթերցանությունից ի՞նչ հոգևոր գանձեր ես գտել։
3. Աստվածաշնչի ընթերցանություն
(4 ր) Առ 17։1-17 (th, դաս 10)։
4. Զրույց սկսիր
(3 ր) ՈՉ ՊԱՇՏՈՆԱԿԱՆ ԾԱՌԱՅՈՒԹՅՈՒՆ։ (lmd, դաս 3, կետ 5)։
5. Զրույց սկսիր
(4 ր) ՀՐԱՊԱՐԱԿԱՅԻՆ ԾԱՌԱՅՈՒԹՅՈՒՆ։ Աստվածաշնչի ուսումնասիրություն առաջարկիր (lmd, դաս 6, կետ 4)։
6. Ելույթ
(5 ր) ijwbv, հոդված 60։ Թեմա՝ «Ո՞րն է Առակներ 17։17-ի նշանակությունը» (th, դաս 13)։
Երգ 113
7. Զարգացրեք լավ հաղորդակցությանը նպաստող սովորություններ
(15 ր) Քննարկում։
Լավ հաղորդակցությունը երջանիկ ընտանեկան կյանքի գրավականն է։ Երբ ընտանիքի անդամները անկաշկանդ հաղորդակցվում են, կարողանում են որպես մեկ թիմ միասնաբար հասնել իրենց նպատակներին և դժվար պահերին օգնության ձեռք մեկնել իրար (Առ 15։22)։ Ի՞նչ կարող եք անել, որ ձեր ընտանիքը անկաշկանդ հաղորդակցվի։
Միասին ժամանակ անցկացրեք (2Օր 6։6, 7)։ Երբ ընտանիքի անդամները միասին տարբեր գործեր են անում, միասին մասնակցում են հանդիպումներին ու ծառայությանը, ինչպես նաև միասին զվարճանում են, նրանց միջև սիրո ու վստահության ամուր կապ է ստեղծվում։ Բացի այդ՝ միասին լինելը սրտաբաց զրույցների լավ առիթներ է ստեղծում։ Երբեմն գուցե կարիք լինի զոհելու անձնական նախընտրությունները՝ ընտանիքի անդամների հետ նրանց ուզած բանն անելու համար։ Բայց այդպիսի զոհողությունները ի վերջո շատ լավ արդյունքներ կբերեն (Փպ 2։3, 4)։ Ինչպե՞ս կարող եք ճիշտ օգտագործել այն ժամանակը, երբ միասին եք (Եփ 5։15, 16)։
Դիտեք ՏԵՍԱՆՅՈՒԹԸ՝ «Հետևեք «ընտանեկան խաղաղության տանող քարտեզին»—Բարելավեք հաղորդակցությունը»։ Հետո ներկաներին հարցրու.
-
Էլեկտրոնային սարքերի չարաշահումը ինչպե՞ս կարող է անդրադառնալ ընտանիքի հաղորդակցության վրա։
-
Այս տեսանյութից ուրիշ ի՞նչ ես սովորում այն մասին, թե ինչպես բարելավել ներընտանեկան հաղորդակցությունը։
Լավ լսող եղեք (Հկ 1։19)։ Երեխաները ավելի ազատ կարտահայտվեն, եթե սխալ հասկացվելու կամ քննադատվելու մտավախություն չունենան։ Ուստի, ծնողնե՛ր, ջանացեք շատ սուր չարձագանքել, եթե երեխան այնպիսի բան ասի, որն անհանգստացնի ձեզ (Առ 17։27)։ Փոխարենը ուշադիր լսեք ու նրա դրության մեջ մտեք։ Փորձեք հասկանալ նրա մտքերն ու զգացմունքները։ Այդպես երեխան կզգա, որ սիրված է, և դուք կկարողանաք լավագույնս օգնել նրան։
