«Եզեկիել» գիրքը պայմանականորեն կարելի է բաժանել մի քանի մասի։

ԳԼՈՒԽՆԵՐ 1-3

Մ. թ. ա. 613 թ.-ին Եզեկիելը Բաբելոնում հրեաների հետ գերության մեջ է ապրում։ Եհովան նրան տեսիլքներ է ցույց տալիս և հանձնարարում մարգարեություններ հայտնել Քոբար գետի մոտ բնակվող հրեաներին։

ԳԼՈՒԽՆԵՐ 4-24

Մ. թ. ա. 613-609 թթ. ընթացքում Եզեկիելը հայտնում է մարգարեություններ, որոնք հիմնականում Երուսաղեմի ու դրա ըմբոստ և կռապաշտ ժողովրդի մասին դատաստանական լուր են պարունակում։

ԳԼՈՒԽՆԵՐ 25-32

Մ. թ. ա. 609 թ.-ից սկսած՝ այն տարում, երբ բաբելոնացիները վերջին անգամ պաշարում են Երուսաղեմը, Եզեկիելը դատաստանական լուր է հայտնում ընդդեմ Աստծու ժողովրդի թշնամիների՝ ամմոնացիների, եդոմացիների, եգիպտացիների, մովաբացիների, փղշտացիների, սիդոնացիների և տյուրոսցիների։

ԳԼՈՒԽՆԵՐ 33-48

Մ. թ. ա. 606 թ.-ին Եզեկիելը, գտնվելով ավերված Երուսաղեմից ու տաճարից հարյուրավոր կիլոմետրեր հեռու, սկսում է մի շատ հուսադրող լուր հայտնել՝ Եհովա Աստծուն մատուցվող մաքուր երկրպագության վերականգնման մասին ոգևորիչ լուրը։