Unser aarwayt is finantsiirt hauptseechlich torich fraywiliche kontripuytsyoone fon Yeehoowa sayn Tsayer. a Sin kontripuytsyoone khaste in unsere fersamlunge pletse, un anere aate fer kontripuytsyoone mache xteen in te sayt Kontripuytsyoone. Sin fiile kontripuytsyoon optsyoone woo penutst khene sin fer kontripuytsyoone fer ti welts aarwayt, ti khoste fon te kemaynt, orer fer ti tswaay se mache.

 Yeehoowa sayn Tsayer prayche khee tseente teel petsaale, orer een spetsiifix teel fon tëne iire fertiintst kepe. (2 Coríntios 9:7) Khee kolëkte sin in unsere fersamlunge kemacht un is khee khost fer in te fersamlunge se sin. Unsere ministere ferlange khee kelt fer yemant taafe, peërtichunge, hayrate orer anere sorte relichieese tiinst mache. Meyer hoole nii kelt torich riifas, pinkos, spetsyaale feste orer anere ewente, un aach meyer ferlange nii tas ti layt orer kexefts hayser fer uns kelt kepe. Ti informatsyoone fon tëne woo kontripuytsyoone mache wëre net pekhant. (Mateus 6:2-4) Unsere sites un puplikatsyoone hon khee propakante.

 Yeete kemaynte fon Yeehoowa sayn Tsayer mache yeete moonat een relatooryum pekhant in tëne iire fersamlunge, woo ale layt khome khene. Yeete kemaynt fon Yeehoowa sayn Tsayer tuut ti informatsyoone iwer sayn kontripuytsyoone wech. Tiise informatsyoone wëre imer fon tswaay orer mee persoone noo kekukt, tas ale ti sicherheet khene hon tas ti kontripuytsyoone richtich penutst wëre. (2 Coríntios 8:20-21)

•   Kontripuytsyoone khaste: Tuu khanst een kontripuytsyoon mit kelt orer xëk mache in ti kontripuytsyoone khaste in te Raych Saale, Konkrëse Saale orer anere fersamlunge pletse.

•   Online kontripuytsyoone: In fiile lënter, khanst tuu ti sayt “Mach een kontripuytsyoon fer Yeehoowa sayn Tsayer” penutse fer kontripuytsyoone mache torich krëtit orer tëpit khaart, pank transferëns un anere eletroonixe aate. b Etliche entxluse yeete moonat “etwas neewe hin leye”. Tii penutse eene fon tiise aate fer rekulaar kontripuytsyoone prokramiire. — 1 Coríntios 16:2.

•   Kepleente kontripuytsyoone: Fer etliche aate fer kontripuytsyoone mache penutse, solst tuu tich foer perayte un/orer mit een kesets spetsialist xpreche. Tas khan tich helfe xtayerlich nuts kriin woo tayn lant aan piit. Etliche hon aach nuts kriit fon unsersuuche iwer kontripuytsyoone woo noch im leepe kemacht kepe khene orer woo aan fange se kile noom toot. Pite, xprech mit te filiaal fon Yeehoowa sayn Tsayer fon tayn lant wëns tuu mee informatsyoone prauchst fer een kontripuytsyoon mache woo se tuun hot mit:

  •   kelt woos tuu uf te pank host

  •   “seguro un planos de previdência privada”

  •   hayser un soo wayter

  •   “ações un títulos”

  •   “testamentos un fideicomisso”

 Fer mee se wise iwer ti aate fer kontripuytsyoone mache woos tuu penutse khanst in tayn keechënt, kuk ti sayt “Mach een kontripuytsyoon fer Yeehoowa sayn Tsayer”.