1 Ita Davaria Hisihisi Dainai Dirava Ita Bleim be Maoro, A?
Dahaka Dainai Ena Haere Ita Diba be Gau Badana?
Taunimanima momo be Dirava idia dadaraia badina idia laloa Dirava ese hisihisi ia havaraia.
Oi Lalohadailaia Totona
Tomadiho gunalaia taudia be taunimanima idia hadibaia ita davaria hisihisi be Dirava ese ia havaraia. Hegeregere, haida idia gwau:
-
Idia vara disasta idauidau be Dirava ena panisi karana.
-
Natudia idia mase badina guba ai Dirava ia ura aneru momo.
-
Dirava ese tuari lalonai kahana ta ia durua bona ma kahana ta dekenai hisihisi ia havaraia.
To oi laloa dubu gunalaia taudia ese Dirava totona hereva koikoi idia hadibaia, a? Bema Dirava ese idia ia dadaraia be edena bamona?
DIBA MA HAIDA ABIA
Inai vidio ladana, Dahaka Dainai Baibel Stadilaia? be jw.org ai oi itaia.
Baibel Ia Gwau
Dirava be ita davaria hisihisi ia havaraia lasi.
Bema unai bamona ia karaia, Iena kara be Baibel ese ia hahedinaraia karadia amo do ia idau. Hegeregere:
“[Dirava] ena dala ibounai be maoro. . . . Ia be momokani bona maoromaoro.” —DEUTERONOMI 32:4.
“Dirava be nega ta do ia kara dika diba lasi. Siahu Ibounai Dirava be do ia kerere lasi, lasi bona lasi momokani.”—IOBU 34:10.
“Siahu Ibounai Dirava ese, kara dika ia karaia lasi.”—IOBU 34:12.
Dirava be ia totona hereva koikoi idia gwauraia tomadiho ia dadaraidia.
Unai tomadiho haida be taunimanima idia hadibaia Dirava ese hisihisi ia havaraia bona tuari bona dagedage idia abia dae.
“Unai peroveta taudia ese hereva koikoi idia gwauraia noho, [Dirava ena] ladana dekenai. Lau ese idia lau siaia lasi, bona oda o hereva ta lau henidia lasi. Edia nihi o mata hanai be lau dekena amo idia mai lasi. Unai edia peroveta herevadia be anina lasi, to idia sibodia idia laloa kava gaudia.”—IEREMIA 14:14.
Iesu be tomadiho idauidau edia kara koikoi ia gwauraia dika.
“Lau dekenai idia gwau, ‘Lohiabada e, Lohiabada e,’ taudia ibounai be guba Basileia lalonai do idia vareai lasi, to egu Tamana guba ai ia noho ena ura ia karaia tauna sibona be do ia vareai. Unai dina dekenai momo be lau dekenai do idia gwau: ‘Lohiabada e, Lohiabada e, emu ladana dekenai ai peroveta, emu ladana dekenai demoni ai lulua, bona emu ladana dekenai siahu karadia ai karaia, ani?’ To idia dekenai do lau gwau, umui lau diba lasi! Umui siri, umui taravatu utua taudia!” —MATAIO 7:21-23.
Reana Inai Danu Oi Ura
BAIBEL HENANADAI EDIA HAERE
Dahaka Dainai Dirava Ese Ala-ala Dikana o Holocaust Ia Koua Lasi?
Momo idia henanadai dahak dainai lalokau Diravana ese hisihisi momo ia koua diba lasi. Baibel ese ena haere namodia ia gwauraia!
GIMA KOHORONA
Hisihisi—Dirava ese Ita Ia Panisia Dainai Ita Hisihisi, A?
Dirava be gorere o dika ia havaraia lasi taunimanima edia kara dika ia panisia totona, a?
