Iseda pablikeisen ai mai anina bada point idia hahedinaraia laulau be momo. Edena dala ai unai laulau idauidau ese oi idia durua diba?

• Atikol oi do duahia lasi neganai, laulau oi itaia guna. Unai laulau idauidau ese emu ura do ia hagoadaia atikol oi duahia totona. Unai be hegeregere mereki ai aniani namodia oi itaia neganai, oi ura ania. Unai dainai sibona oi nanadaia, ‘Dahaka lau itaia?’—Amosa 7:7, 8.

• Atikol oi duahia lalonai, idia gaukaralaia laulau oi laloa. Laulau ena hereva oi duahia. Laulau ese atikol ena hereva ia durua dalana bona emu mauri ai oi badinaia dalana oi laloa.

• Atikol oi duahia murinai, laulau oi itaia lou unai amo point badadia do oi laloatao. Bena emu lalona ai unai laulau oi itaia bona oi dibaia gaudia oi laloa lou.

• Inai magasin ai idia noho laulau oi itaia lou, bona oi itaia bema oi dibaia gaudia oi laloatao diba.