Aonega Sisiba Oi Davaria Diba
“Toretore Helagadia be Dirava ena siahu amo idia torea.” (2 Timoteo 3:16) Inai siri ai, “siahu” ena anina be Siahu Ibounai Diravana ese iena lalohadai be Baibel torea taudia edia lalona ai ia atoa.
Dirava ese Oi Ia Boiria Iena Aonega amo Heduru Oi Abia Totona
“Lau, Iehova, . . . Lau ese umui lau hadibaia noho, namo umui davaria totona, Lau ese umui lau hakaua noho, dala maorona ai umui raka totona. Bema egu oda herevadia umui kamonai henia! Vadaeni emui maino be sinavai bamona do ia aru, Bona emui kara maoromaoro be davara ena hurehure bamona do ia goada.”—ISAIA 48:17, 18.
Inai oi laloa, Dirava ese oi ia boiria noho. Ia ura lalomaino bona moale hanaihanai oi abia, bona oi ia durua diba unai oi karaia totona.
Dirava Ena Aonega be Oi Dekenai Ia Noho
“Bese ibounai dekenai sivarai namona do idia harorolaia guna.”—MAREKO 13:10.
Unai “sivarai namona” lalonai Iehova ena gwauhamata idia noho, ia ese hisihisi do ia haorea, tanobada be paradaiso ai do ia halaoa, bona iseda lalokau mase taudia do ia hamauria. Iehova ena Witnes taudia ese tanobada ibounai dekenai Baibel ena sivarai idia harorolaia.
Reana Inai Danu Oi Ura
GIMA KOHORONA
Baibel—Diba Maorona Ena Badina
Baibel oi abidadama henia diba badina ena hereva ibounai be momokani.
