Lagani ta ta, ita be mai moale ida iseda rijinol hebouhebou ita naria. Ma haida ese Iehova ena namo idia mamia totona, ita ura unai hebouhebou dekenai momo ita boiria. (Sa 34:8) Elda taudia ese dala do idia karaia invateisen pepadia ita hariharilaia totona.

• Hebouhebou be edena nega?

• Invateisen hariharilaia gaukara be edena nega do ia matamaia?

• Haroro heboudia be edena nega do idia karaia?

• Egu tahua gauna be dahaka?

• Daika do lau boiria?

Hanamoa hereva oi gwauraia murinai, reana oi gwau:

“Tanobada hegegemadai, ai ese inai mai anina bada hebouhebou dekenai taunimanima ai boiria. Hebouhebou ena deit, taim, bona gabu be inai pepa ai idia noho. Do ai moale bema oi mai.”

Ena be ita ura taunimanima momo be hebouhebou dekenai idia mai, to namona be nega ita atoa Baibel amo diba ma haida idia ura abia taudia ita durua totona.

Wikeni ai, invateisen be magasin ida oi hariharilaia diba.