LESENI 05
Baibel be Dirava Ena Hereva Ita Totona
Iehova be ita dekenai harihari gauna namona ta, Baibel ia henia, bona ena buka maragidia ibounai be 66. To reana do oi laloa: ‘Baibel be edeseni amo ia mai? Daika ese ia havaraia?’ Unai henanadai ita haerelaia totona, mani Baibel lalonai Dirava ena hereva ita abia dalana ita herevalaia.
1. Bema Baibel be taunimanima ese idia torea, dahaka dainai ita gwau ia be Dirava amo ia mai?
Baibel be lagani 1,600 lalonai tatau 40 bamona ese idia torea, unai be lagani 1513 B.C.E. ia lao 98 C.E. bamona. Ena be Baibel idia torea taudia edia mauri daladia be idauidau, to Baibel ena hereva ibounai be hegeregere. Edena dala ai unai idia karaia diba? Badina Baibel be Dirava amo ia mai. (1 Tesalonika 2:13 duahia.) Baibel torea taudia be sibodia edia lalohadai idia torea lasi. To lauma helaga ese idia “ia hasiahua hegeregerena, idia ese Dirava amo idia mai hereva idia gwauraia.” a (2 Petero 1:21) Dirava ese lauma helaga amo taunimanima ia hasiahua o ia hakaua iena lalohadai idia torea totona.—2 Timoteo 3:16.
2. Daika be Baibel amo namo ia abia diba?
“Bese ibounai bona iduhu ibounai, gado ibounai, bona kopi idauidau taudia ibounai” be Baibel lalonai ia noho sivarai namona amo namo idia davaria diba. (Apokalupo 14:6 duahia.) Dirava ia ura Baibel be gado momo ai do idia hahanaia. Buka ma haida be unai bamona lasi. Hari, kahirakahira taunimanima ibounai be Dirava ena hereva idia duahia diba. Herevana edeseni ai idia noho eiava dahaka gado idia hereva, to Baibel idia duahia diba.
3. Iehova ese edena dala ai Baibel ia gimaia?
Baibel torea totona inai gaudia, hegeregere animal ena kopina bona rei ta ladana, papyrus idia gaukaralaia. To Baibel idia laloa bada tatau ese kopi momo idia karaia namonamo. Herevana siahu taudia idia ura Baibel idia hadikaia, to ma haida be Baibel idia gimaia, ena be idia diba do idia mase. Gau ta ese Iehova do ia koua diba lasi, ita ia hereva henia totona. Baibel ia gwau: “Iseda Dirava ena hereva be ia noho hanaihanai.”—Isaia 40:8.
DIBA MA HAIDA ABIA
Dirava ese Baibel idia torea taudia ia hasiahua, Baibel ia gimaia, bona taunimanima dekenai Baibel ia henia dalana do oi dibaia.
4. Baibel ese ena Havaraia Tauna ia hahedinaraia
VIDIO itaia. Bona 2 Timoteo 3:16 duahia, bena inai henanadai herevalaia.
-
Bema taunimanima ese Baibel idia torea, dahaka dainai idia gwauraia Dirava ena Hereva?
-
Oi abia dae Dirava ese ena lalohadai be Baibel idia torea taudia dekenai ia henia, a?
Seketere ta be reana revareva ta ia torea, unai revareva ena hereva be iena lasi to ena bosi ena hereva. Unai hegeregerena, ena be taunimanima ese Baibel idia torea to unai be Dirava amo idia mai herevadia
5. Baibel idia hadikaia diba lasi
Bema Baibel be Dirava amo, ita diba ia ese do ia gimaia. Histori lalonai, siahu taudia be Baibel idia hadikaia toho. Tomadiho gunalaia taudia idia ura Baibel idia hunia. Ena be taunimanima momo idia diba dagedage bona mase do idia davaria, to idia gari lasi bona Baibel idia gimaia. Unai bamona tauna ta oi diba totona, VIDIO itaia, bona henanadai herevalaia.
-
Hari oi diba taunimanima be dala idauidau ai Baibel idia gimaia dainai, unai ese emu lalona ia veria Baibel oi duahia totona, a? Dahaka dainai?
Salamo 119:97 duahia, bena inai henanadai herevalaia:
-
Dahaka ese taunimanima momo ia durua Baibel idia hahanaia bona hariharilaia, ena be edia mauri idia haboioa diba?
6. Taunimanima ibounai edia buka
Histori lalonai Baibel be idia hahanaia bona hariharilaia momo bukana. Kara 10:34, 35 duahia, bena inai henanadai herevalaia:
-
Dahaka dainai Dirava ia ura iena Hereva be gado momo ai idia hahanaia bona hariharilaia?
-
Baibel dekenai dahaka oi ura henia?
Taunimanima
100%
bamona
be edia gado ai Baibel idia duahia
Baibel
ibounai o kahana haida
gado
3,000
bamona ai
5,000,000,000
Unai be idia hariharilaia kopi ibounai edia namba,
buka ma haida ia hanaia
HAIDA IDIA GWAU: “Baibel be taunimanima ese idia torea buka gunana ta sibona.”
-
Dahaka oi laloa?
-
Dahaka gaudia ese idia hamomokania Baibel be Dirava ena Hereva?
POINT BADANA
Baibel be Dirava ena Hereva, bona ia ura taunimanima ibounai ese idia abia be namo.
Riviu
-
Dirava ese lauma helaga amo tatau haida ia hasiahua Baibel idia torea totona ena anina be dahaka?
-
Baibel idia gimaia, hahanaia, bona hariharilaia karana amo dahaka oi moalelaia?
-
Dirava be dala ia karaia oi ia hereva henia totona, unai oi diba neganai emu hemami be edena bamona?
REFERENS ITAIA
Maniuskrip gunadia bona hari idia noho Baibel trensleisen edia histori oi duahia.
Dala badadia toi amo Baibel idia gimaia namonamo ena sivarai oi duahia.
Baibel hahanaia totona edia mauri idia haboioa diba taudia ese idia karaia gaudia edia sivarai oi itaia.
Baibel ena kopi momo idia karaia bona idia hahanaia. Edena bamona oi diba momokani Dirava ena hereva idia haidaua lasi?
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
