Kamonai taudia durua sibona edia kara idia laloa totona. Henanadai haida oi gaukaralaia kamonai taudia ese sibona edia mauri dalana idia laloa totona.

Kara namodia ena namo herevalaia. Kamonai taudia oi durua kara namodia idia karaia ena badina idia laloa totona. Oi durua, kara namodia hegeregere, Iehova bona dekena taudia lalokau henia, bona Baibel ena hadibaia herevadia ura henia karana idia habadaia totona. Danu, Baibel ena sisiba badinaia karana ena namo oi herevalaia, to idia oi gwau henia lasi. Idia oi hahemaraia lasi, to namona be emu tok ena dokonai idia oi hagoadaia karana namodia idia ura henia totona.

Iehova oi herevalaia. Oi ura kamonai taudia idia diba Baibel ena hadibaia herevadia, hakaua herevadia, bona taravatu ese Dirava ena kara namodia bona ena lalokau ita dekenai ia hahedinaraia. Kamonai taudia oi durua Iehova ena hemami bona ia do idia hamoalea daladia idia laloa bada totona.