HENANADAI 10
Dirava Ena Gwauhamata Vaira Nega Totona be Dahaka?
“Kara maoromaoro taudia be tanobada do idia abia, bona tanobada ai do idia noho ela bona hanaihanai.”
“Tanobada be ia noho hanaihanai.”
“Siahu Ibounai Lohiabadana Iehova ese mase do ia haorea momokani, bona taunimanima ibounai edia vairana amo mata ranu do ia dahua.”
“Unai nega ai matakepulu taudia do idia itaia, bona taia kudima taudia do idia kamonai. Unai nega ai aena dika taudia be dia bamona do idia roho isi, bona hereva diba lasi taudia be mai moale ida do idia boiboi. Taunimanima lasi gabuna ai ranu momo do ia aru, bona tano kaukau palakana dekenai sinavai do idia noho.”
“Ia ese mata ranu ibounai be edia matana amo do ia dahua ore, bona mase, lalohisihisi, taitai, bona hisihisi be do idia ore. Gau gunadia be idia ore vadaeni.”
“Ruma do idia haginia bona do idia noholaia, bona vain umadia do idia karaia bona edia huahua do idia ania. Ruma do idia haginia lasi, ma ta ese ia noholaia totona, eiava do idia hadohado lasi, ma ta ese ia ania totona. Badina egu taunimanima edia mauri dinadia be au edia mauri dinadia bamona, bona egu abia hidi taudia edia ima gaukara idauidau do idia moalelaia bada.”
