Salamo 83:1-18
Asapa ena ane ta.+
83 Dirava e, kara ta oi karaia.+Helaga Diravana e, oi hereva bona kara ta oi karaia.
2 Itaia, emu inai taudia be idia regerege bada noho.+Oi idia inai henia taudia be idia hekokoroku noho.
3 Mai koikoi ida dala idia tahua emu taunimanima idia hadikaia totona.Idia be palani idia karaia oi ese oi laloa bada taudia* idia hadikaia totona.
4 Idia gwau: “Umui mai, Israela bese ita hadikaia ore,+Unai amo unai bese ena ladana do idia laloatao lou lasi ela bona hanaihanai.”
5 Idia ibounai idia lalotamona bona palani idia karaia.Idia be gwauhamata ta idia karaia oi idia tuari henia totona,+
6 Idia be Edoma taudia, Isamaela taudia, Moaba taudia+ bona Hagara taudia,+
7 Gebala taudia, Amono taudia,+ bona Amaleka taudia,Filistia taudia+ bona Turo ai idia noho taudia ibounai.+
8 Asuria+ danu be idia ia bamoa,Idia ese Lota ena bese taudia* idia durua.+ (Sela)
9 Midiana taudia dekenai oi karaia bamona, idia dekenai oi karaia,+Kisona koura ai Sisera bona Iabina dekenai oi karaia bamona.+
10 Ene-doro dekenai oi ese idia oi hadikaia ore,+Idia be tano dekenai kukuri bamona idia noho.
11 Edia ladana bada taudia be Oreba bona Sebe bamona oi halaoa+Bona edia lohia taudia* be Sebaha bona Salamuna bamona oi halaoa,+
12 Badina idia gwau: “Namona be Dirava ia noho tanona ita abia.”
13 Egu Dirava e, idia be lai ese ia negea lao ava ena momoru bamona ai oi halaoa,+Lai ese ia negea lao witi momoru bamona.
14 Lahi ese uda badana ia gabua ore bamona,Lahi ese ororo ia araia bona ia korema bamona,+
15 Mani emu lai goadana amo idia oi lulua+Bona emu lai badana amo idia oi hagaria.+
16 Iehova e, hemarai amo edia vairana oi koua,Unai amo idia ese emu ladana do idia tahua.
17 Namona be idia oi hahemaraia bona do idia gari ela bona hanaihanai.Namona be idia hemarai bona idia boio.
18 Namona be taunimanima do idia diba, oiemu ladana be Iehova,+Oi sibona be tanobada ibounai ena Ataiai Momokani Diravana, tanobada ibounai oi lohiaia noho.+
Futnout
^ Eiava “gimaia taudia.”
^ Unai be, Moaba taudia bona Amono taudia.
^ Eiava “gunalaia taudia.”
