Salamo 3:1-8
Davida be ena natuna Abesaloma amo ia heau neganai, inai ane ia abia.+
3 Iehova e, dahaka dainai egu inai taudia be momo herea?+Dahaka dainai taunimanima momo idia ura lau idia tuari henia?+
2 Taunimanima momo be lau idia herevalaia noho, idia gwau:“Dirava ese ia do ia hamauria lasi.”+ (Sela)*
3 To Iehova e, oi be egu kesi, lau oi hagegea bamona,+Oi be egu hairai+ bona egu kwarana oi abia isi Diravana.+
4 Lau be Iehova dekenai do lau boiboi badabada,Bona ia ese ena ororo helagana amo lau do ia haere henia.+ (Sela)
5 Do lau hekure bona mahuta,Bona lau noga neganai, dika ta do lau davaria lasi,Badina Iehova be lau ia naria noho.+
6 Lau tuari henia totona taunimanima 10 tausen momo be kahana idauidau amo idia mai,To lau be idia dekenai lau gari lasi.+
7 Iehova e, oi toreisi! Egu Dirava e, lau oi hamauria!+Badina oi ese egu inai taudia ibounai edia aukina do oi botaia,Oi ese kara dika taudia edia isena do oi makohia.+
8 Iehova e, oi be hamauria tauna.+Emu taunimanima dekenai hahenamo oi henia noho. (Sela)
