Iosua 16:1-10
16 Bona Iosepa ena bese taudia+ ese gadara ta* amo idia abia tano+ be Ioridane dekenai ia matamaia, unai gabu be Ieriko kahirakahira ia noho, bona ist kahanai ia lao ela bona Ieriko ena ranu gabudia, bena Ieriko vairanai ia noho taunimanima lasi gabuna ena huana amo ia lao ela bona Betele ena ororo gabudia.+
2 Lusu kahirakahira ia noho tano, Betele amo ia lao Ataroto, unai be Araki taudia edia tano hetoana.
3 Bena west kahana amo ia diho lao ela bona Iapelete taudia edia tano hetoana, ma ia lao Henu Bete-horono ena tano hetoana+ bona Gesere,+ bona Davara Badana* dekenai ia doko.
4 Vadaeni Iosepa ena bese taudia,+ Manase bona Eparaima ese edia tano idia abia.+
5 Inai be Eparaima ena bese taudia edia tano hetoana, edia famili ta ta hegeregerena: Ist kahana amo idia abia tano hetoana be Ataroto-adara,+ unuseni amo ia lao ela bona Ataiai Bete-horono,+
6 bona ia lao ela bona Davara Badana* dekenai. Unai tano hetoana be Mikimetata+ ena not kahana amo ia hanaia lao ist kahana dekenai, bona unuseni amo ia lao Tanata-silo ena ist kahana bona ia lao Ianoa dekenai.
7 Bena Ianoa amo ia diho lao Ataroto bona Nara dekenai, bona ia lao Ieriko+ ela bona Ioridane.
8 Bona Tapua amo+ west kahana dekenai ia lao ela bona Kanaha Kourana, bona Davara Badana* dekenai ia doko.+ Unai be Eparaima iduhu edia ahuna, edia famili ta ta hegeregerena.
9 Manase iduhu ese ia abia tano huana amo Eparaima ena bese taudia ese siti haida, mai edia hanua maragidia danu idia abia.+
10 To idia ese Gesere ai idia noho Kanana taudia idia lulua,+ bona Kanana taudia be Eparaima iduhu taudia huanai idia noho ema bona hari+ bona idia ese Kanana taudia be edia igui hesiai taudia ai idia halaoa.+
