Hakaua Oreana be lo Keristani orea maragina ta, inai orea ese tanobada hegegemadai ai idia noho Iehova ena Witnes taudia totona hakaua herevadia ia henia. Edia gaukara be mai ena kahana rua:

•   Idia ese Baibel ena hakaua herevadia hegaegaelaia gaukarana idia naria, unai be pablikeisen idauidau, kongrigeisen heboudia, bona Iehova ena Witnes taudia edia sikuli idauidau totona.​—Luka 12:42.

•   Idia ese haroro gaukara bona doneisen gaukaralaia dalana idia hakaua karana amo Iehova ena Witnes taudia edia tanobada hegegemadai gaukarana idia naria.

 Hakaua Oreana ese “Ierusalema ai idia noho aposetolo bona tau badadia” ena haheitalai idia tohotohoa. Unai Keristani taudia ginigunadia be Keristani kongrigeisen totona mai anina bada disisen idia karaia. (Kara 15:2) Unai abidadama tatau hegeregerena, Hakaua Oreana ena memba taudia be oreana ena gunalaia taudia lasi. Idia be Baibel amo heduru idia tahua, bona idia abia dae Iehova Dirava ese Iesu Keriso ia abia hidi, ia be kongrigeisen ena Kwarana.​—1 Korinto 11:3; Efeso 5:23.

 Hakaua Oreana ena memba taudia be Kenneth Cook, Jr., Gage Fleegle, Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph, Mark Sanderson, David Splane, bona Jeffrey Winder. Iseda hedikwota Warwick, New York, U.S.A ai edia hesiai gaukara idia karaia.

 Hakaua Oreana ese komiti siks ia haginia gaukara idauidau idia naria totona, bona idia ta ta be unai komiti ta eiava haida lalonai idia gaukara.

•   Kodineita Komiti: Inai komiti ese kota gaudia ia naria, Iehova ena Witnes taudia ese disasta badadia, dagedage karadia, bona dika badadia ma haida idia davaria neganai, unai komiti ese maoro ia henia heduru totona.

•   Gaukara Taudia Naria Komiti: Inai komiti ese tanobada hegegemadai brens ofesi ai idia gaukara Betele famili ia naria.

•   Pablisin Komiti: Inai komiti ese Baibel buka bona magasin printaia, halasia, bona siaia gaukarana ia naria. Kingdom Hall, trensleisen ofesi bona brens ofesi haginia gaukarana ia naria.

•   Hesiai Komiti: Inai komiti ese “Basileia ena sivarai namona” harorolaia gaukarana ia naria.—Mataio 24:14.

•   Hadibaia Komiti: Inai komiti ese kongrigeisen heboudia, sikuli, oudio bona vidio program hegaegaelaia gaukarana ia naria.

•   Toretore Komiti: Inai komiti ese buka bona magasin bona iseda websait ai idia noho pablikeisen bona trensleisen gaukarana ia naria.

 Danu, Hakaua Oreana be wiki ta ta ai ia hebou, iseda orea durua daladia herevalaia totona. Inai hebou lalonai, idia ese Baibel siri idia herevalaia, bona Dirava ena lauma helaga ena heduru idia noia, unai amo edia hebou ai mai lalotamona ida disisen idia karaia.​—Kara 15:25.

 Idia be edia gaukara idia karaia namonamo Keristani taudia, idia ese Hakaua Oreana ena komiti ta ta idia durua. (1 Korinto 4:2) Idia be komiti ese idia karaia gaukarana idia diba bona mai edia ekspiriens, bona wiki ta ta ai idia karaia komiti ena hebou idia lao danu. Idia be disisen idia karaia lasi, to Hakaua Oreana ese ia karaia disisen idia badinaia, to danu heduru hereva namodia bona infomeisen ma haida idia henia, unai amo komiti ena disisen idia durua, bona unai disisen ena anina bona heau dalana idia sekea. Danu, Hakaua Oreana ese ia siaidia tanobada ena kahana ma haida ai idia noho tadikaka taihu vadivadi henia totona eiava lagani ta ta ai idia karaia hebou bona Gilead gradueisen ai tok idia henia.