Leej twg koom tau?

Txhua tus tuaj koom tau, coj koj tsev neeg tuaj thiab.

Ob txoj kev sib txoos no ua ntev npaum li cas?

Zaj lus qhuab qhia tshwj xeeb yuav ntev li 30 feeb. Tom qab zaj lus qhuab qhia, peb yuav kawm thiab tham txog phau Vajlugkub ntev li ib txoos teev.

Hmo ua kev cai nco txog Yexus tsuas ua ntev li ib txoos teev xwb.

Yuav ua rau qhov twg?

Yog xav nrhiav ib qho chaw nyob ze koj, nias “Nrhiav Qhov Chaw Ua Kev Cai Nco Txog Yexus” los sis “Nrhiav Qhov Chaw Qhia Zaj Lus Qhuab Qhia Tshwj Xeeb” uas nyob sab saud.

Yog kuv tuaj koom, kuv puas tau them nyiaj los sis yuav tau cog lus dab tsi?

Tsis them nyiaj thiab tsis muaj kev cog lus dab tsi.

Puas sau nyiaj?

Tsis sau. Yehauvas Cov Tim Khawv yeej ib txwm tsis sau nyiaj thaum peb tuaj sib txoos ua ke.​—Mathais 10:8.

Yuav hnav tsoos tsho li cas tuaj koom?

Peb yeej tsis qhia tias yuav hnav li cas rau li cas, tiam sis Yehauvas Cov Tim Khawv hnav tej tsoos tsho kom raug ntsej raug muag.

Hmo ua kev cai nco txog Yexus yuav zoo li cas?

Thaum pib thiab thaum xaus kev sib txoos, yuav hu ib zaj nkauj thiab ib tug ntseeg ntawm Yehauvas Cov Tim Khawv mam los thov Vajtswv. Muaj ib tug yuav los tham ib zaj lus qhuab qhia uas piav txog seb Yexus txoj kev tuag tseem ceeb npaum li cas thiab tej uas Vajtswv thiab Yexus nkawd tau ua rau peb ho pab tau peb li cas.

Yog xav paub ntxiv, mus saib zaj hu ua “Vim Li Cas Yehauvas Cov Tim Khawv Ua Tus Tswv Pluas Hmo Txawv Ntawm Lwm Cov Kev Ntseeg?”

Tom ntej no, yuav ua kev cai nco txog Yexus thaum twg?

2025: Hnub 6 (Saturday), lub 4 Hlis tim 12

2026: Hnub 4 (Thursday), lub 4 Hlis tim 2

2027: Hnub 1 (Monday), lub 3 Hlis tim 22