Kev Sib Raug Zoo Nrog Vajtswv
Zoo li thawj zaj hauv phau ntawv no, coob leej hais tias phau Vajlugkub yog ib phau ntawv dawb huv. Lawv hais tias thaum nyeem thiab coj raws li tej hauv paus ntsiab lus hauv phau Vajlugkub, lawv muaj kev sib raug zoo nrog Vajtswv thiab lawv lub neej muaj hauv paus hauv ntsis lawm.
Phau Vajlugkub qhia tias cov tibneeg uas xav muaj ib txojkev sib raug zoo nrog Vajtswv, yuav cia nws coj lawv txoj hau kev. (Yudas 18, 19, NW ) Cov tibneeg uas tsis yuav Vajtswv hais cia siab rau lawv tus kheej xwb. Tiamsis cov uas nyiam Vajtswv tej kevcai mloog nws lus.—Efexus 5:1.
KEV CIA SIAB
VAJLUGKUB TEJ HAUV PAUS NTSIAB LUS: “Yog koj qaug zog thaum raug kev ntxhov siab, ces yog koj siab yau heev.”—Pajlug 24:10.
YOG LI CAS? Thaum peb qaug zog, yuav nyuaj rau peb nyiaj dhau peb tej teeb meem. Tiamsis yog muaj kev cia siab, peb yuav ua tau siab loj thiab ua tiag peem mus. Peb vam tias tsis ntev tom ntej tej teeb meem yuav ploj mus. Tsis tas li ntawd xwb, thaum peb nyiaj dhau tej teeb meem peb tsis paub lub neej yuav zoo li cas, tej zaum kuj yuav hloov mus rau qhov zoo.
KOJ YUAV UA LI CAS? Xav txog qhov zoo xwb. Txhob txhawj tias xyov yav tom ntej yuav zoo li cas, lossis txhob tos lub caij lub nyoog zoo tso mam li ua raws li peb tau npaj tseg. Nco ntsoov tias muaj tej yam yuav tsis mus raws li peb lub siab xav. (Yakaunpaus 4:14, 15) Tiamsis tej zaum tseem yuav zoo tshaj ntawd thiab. Kom peb nkag siab qhov no, phau Vajlugkub ua piv txwv tias: “Mus cog qoobloo thaum sawv ntxov thiab thaum yuav tsaus ntuj, rau qhov koj twb tsis paub hais tias cov twg yuav hlob zoo dua, cov no los cov tod lossis ob co yuav hlob zoo ib yam nkaus.”—Tej Lus Qhia 11:6.
COV LUS TEB RAU TEJ LUS NUG TSEEM CEEB
VAJLUGKUB TEJ HAUV PAUS NTSIAB LUS: “Thov koj pub kom kuv totaub . . . Koj txoj kevcai lub ntsiab yeej yog lus tseeb.”—Phau Ntawv Nkauj 119:144, 160.
YOG LI CAS? Phau Vajlugkub teb tau cov lus nug uas txhua tus xav paub. Xws li cov lus nug no:
-
Peb los qhovtwg los?
-
Ua li cas ho muaj tibneeg?
-
Tom qab ib tug neeg tuag, ua li cas rau nws lawm?
-
Lub neej puas yog tag li no lawm xwb?
Thaum tibneeg kawm qhov tseeb hauv phau Vajlugkub txog cov lus nug no, lawv lub neej zoo lawm ntau.
KOJ YUAV UA LI CAS? Zoo rau koj mus saib seb phau Vajlugkub hais li cas tiag. Yog koj xav paub ntxiv txog phau Vajlugkub, nrog Yehauvas Cov Timkhawv ib tug tham. Mus saib peb lub vej xaij jw.org/hmn lossis tuaj nrog peb txoos ua ke. Peb caw sawvdaws tuaj thiab tsis sau nyiaj.
LWM TEJ HAUV PAUS NTSIAB LUS HAUV VAJLUGKUB
Mus saib zaj yeeb yaj kiab Kawm Vajlugkub Ua Dabtsi? hauv jw.org/hmn. Tau muab zaj no txhais tshaj 880 yam lus
PEB YUAV TSUM MUAJ IB TXOJKEV SIB RAUG ZOO NROG VAJTSWV.
“Cov neeg uas hnov Vajtswv Txojlus thiab ua raws li Txojlus ntawd, thiaj yog cov uas tau koob hmoov!”—LUKAS 11:28.
KAWM NTXIV TXOG TUS VAJTSWV HAUV PHAU VAJLUGKUB.
“Nrhiav Vajtswv . . . kub siab lug xav paub Vajtswv . . . rau qhov Vajtswv yeej nyob tsis deb ntawm peb txhua tug.”—TES HAUJLWM 17:27.
NYEEM THIAB XAV TXOG LUB NTSIAB HAUV PHAU VAJLUGKUB.
“Cov uas tau kev kaj siab yog cov uas hwm [Yehauvas] a txoj Kevcai thiab kawm txoj kevcai ntawd nruab hnub hmo ntuj. . . . Thiab txhua yam uas lawv ua puavleej tiav.”—PHAU NTAWV NKAUJ 1:2, 3.
a Phau Vajlugkub qhia tias Vajtswv lub npe hu ua Yehauvas.
Tej Yam No Yuav Pab Tau Koj Thiab
PHAU TSOM FAJ
Phau Vajlugkub Pab Tau Kuv Lub Neej Li Cas?
Phau ntawv qub qub no muaj kev cob qhia zoo heev.
