3 Ua Cas Cov Neeg Zoo Thiaj Raug Txom Nyem?
Ua Cas Thiaj Nug Li No?
Yog tias tibneeg zoo raug kev txom nyem ces ib txhia yuav tsis xav ua qhov zoo.
Xav Txog Qhov No
Muaj tej co neeg ntseeg tias lawv yuav mus thawj thiab. Lawv kuj hais tias tus neeg zoo yuav tau ntuj ntoo lwm tiam, hos tus neeg limhiam yuav yug dua los txais kev txom nyem. Lawv hais ntxiv tias, txawm ib tug neeg coj zoo npaum li cas los yog tias nws tau ua phem dua los lawm ces nws yeej yuav raug kev txom nyem. Tiamsis . . .
-
Yog tias nws tsis nco qab tiam neej tag lawm, nws puas yuav paub vim li cas nws raug kev txom nyem rau tiam no?
-
Yog tias peb raug kev txom nyem vim peb coj tsis zoo ob peb tiam dhau los, ces puas tsim nyog peb ua ib lub neej zoo kom txhob muaj mob thiab txhob raug xwm txheej phem?
KAWM NTXIV
Saib zaj yeeb yaj kiab Ua Li Cas Vajtswv Cia Muaj Kev Txom Nyem? hauv lub vej xaij jw.org/hmn.
Phau Vajlugkub Hais Li No
Tej kev txom nyem tsis yog tim Vajtswv rau txim rau peb.
Ntau zaus tibneeg mus tom thawj tej xwm txheej phem.
“Tsis muaj leejtwg paub hais tias kev puastsuaj yuav los raug nws thaum twg ib yam li tej noog uas tos nco xwb twb mag luag tej hlua thiab ib yam li tej ntses uas mag luag lub vas. Yog li ntawd, peb yuav mag luag lub vojhlua thaum peb tsis nco ceevfaj.”—TEJ LUS QHIA 9:12.
Kev txhaum ua rau tibneeg txom nyem.
Muaj tej co hais tias kev “txhaum” yog tej yam phem uas tibneeg ua. Tiamsis phau Vajlugkub qhia tias txhua tus yug los yeej muaj kev txhaum.
“Txij thaum kuv niam yug kuv los, kuv yeej ua txhaum lawm, thaum kuv niam suab kuv rau hauv plab, kuv yeej muaj txhaum lawm.”—PHAU NTAWV NKAUJ 51:5.
Kev txhaum ua tau puas tsuaj puas ntsoog.
Vim kev txhaum neeg thiaj nyob tsis tau sib haum xeeb thiab tsis muaj txojkev sib raug zoo nrog Vajtswv. Vim li ntawd, txhua tus thiaj txom nyem.
“Thaum kuv xav ua qhov zoo, kuv ho xaiv ua qhov phem.”—LOOS 7:21.
“Ib puas tsav yam uas Vajtswv tsim ntsaj ntsoog qees.”—LOOS 8:22.
