Ob lub hlis tom qab cov Yixayee hla dej Hiavtxwv Liab, lawv txawm los txog lub Roob Xinai. Yehauvas nrog cov Yixayee sib cog lus tias lawv yuav ua ib haiv neeg tshwj xeeb heev. Nws thiaj tiv thaiv lawv, pub mana rau lawv noj, tsis cia lawv khaub hlab, thiab nws muab chaw zoo rau lawv so. Cov niam txiv, pab kom nej cov menyuam nkag siab tias vim li cas Yehauvas thiaj muab tej kevcai, lub tsev ntaub sib ntsib, thiab cov pov thawj rau haiv neeg Yixayee. Pab kom koj tus menyuam pom qhov tseem ceeb uas yus yuav tau ua raws li yus yeem lus cia lawd, ua neeg txo hwjchim, thiab muab siab npuab Yehauvas mus li.