1. Tej nyob nraim nkoos hauv kuv nruab siab,

Ib hnub dhau ib hnub tsis ploj kiag.

Thov koj tshuaj puag hauv kuv nruab siab,

Pab kuv coj raws yam li koj nyiam.

Kuv tsis tsaug zog ib hmo dhau hmo,

Los twb yog vim kuv ntxhov siab hnyo.

Kuv xav xyaum ua qhov zoo qhov yog,

Kuv thiaj xyaum tau yam nkaus li koj.

2. Tsis hais tej uas dawb huv thiab tseeb,

Tej tsim nyog hwm thiab tej ncaj ncees,

Tej uas ntxim nyiam thiab tau koob meej,

Thov kom txhawb tau kuv txojkev ntseeg.

Vajtswv tej lus mas zoo tshaj li,

Kuv piav npaum cas los yeej tsis txhij.

Thaum xav txog nws cov lus huvsi,

Thov kuv cim ntsoov mus tas ib txhis.