Lub 9 Hlis Tim 2-8
PHAU NTAWV NKAUJ 79-81
Hu Zaj Nkauj 29 Thiab Thov Vajtswv | Tos Txais (1 feeb)
1. Hwm Yehauvas Lub Npe Uas Muaj Hwj Chim Ci Ntsa Iab
(10 feeb)
Coj zoo thiaj qhuas tau Yehauvas (Phau Ntawv Nkauj 79:9; w17.02 10 ¶5)
Hu Yehauvas lub npe (Phau Ntawv Nkauj 80:18; ijwbv-E 3 ¶4-5)
Yehauvas yuav foom koob hmoov nplua mias rau tus uas mloog nws lus (Phau Ntawv Nkauj 81:13, 16)
Peb yuav tsum coj zoo thiab qhia lwm tus paub tias peb yog Yehauvas ib tug Tim Khawv, ua li no peb thiaj qhuas tau Yehauvas lub npe
2. Tshawb Nrhiav Tej Lus Nyiaj Lus Kub
(10 feeb)
-
Phau Ntawv Nkauj 80:1 hais tias, ‘Au Ixayees tus tswv yug yaj, koj coj Yauxej ib yam li coj pab yaj, thov koj tig ntsej mloog. Koj nyob lub zwm txwv saum cov Khelunpee, thov koj tsom tus duab ci tuaj.’ Vim li cas tej lub sij hawm ho muab Yauxej lub npe piv txog tag nrho cov Ixayees? (it-2-E 111)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Phau Ntawv Nkauj 79:1–80:7 (th zaj kawm 10)
4. Pib Nrog Luag Tham
(1 feeb) MUS IB LUB TSEV RAU IB LUB. Hais seb nws puas xav kawm Vajlugkub. (lmd zaj kawm 4 lub ntsiab me 4)
5. Pib Nrog Luag Tham
(3 feeb) QHIA VAJLUGKUB THAUM MUS UB MUS NO. Hais seb nws puas xav kawm Vajlugkub. (lmd zaj kawm 4 lub ntsiab me 3)
6. Pib Nrog Luag Tham
(2 feeb) TSHAJ TAWM RAU TEJ CHAW UAS MUAJ NEEG COOB DUA KEV. Hais seb nws puas xav kawm Vajlugkub. (lmd zaj kawm 3 lub ntsiab me 3)
7. Rov Mus Xyuas
(5 feeb) Rov mus tham nrog tus koj ntsib thaum mus ib lub tsev rau ib lub. Yav tas los koj twb nug seb nws puas xav kawm Vajlugkub tiam sis nws tsis tau xav. Rov hais seb nws puas xav kawm. (lmd zaj kawm 8 lub ntsiab me 3)
Hu Zaj Nkauj 10
8. Lawv Yuav Hwm Vajtswv Lub Npe
(15 feeb) Lus qhuab qhia thiab lus teb.
Xatas twb dag txog Yehauvas lub koob lub npe thaum nyob hauv lub vaj Edees lawm. Txij thaum ntawd los txhua leej txhua tus, tsis hais cov tub txib saum ntuj los sis tib neeg, yuav tau txiav txim seb lawv puas yuav hwm Yehauvas lub npe los tsis hwm.
Xav txog tej lus iab lus daw uas Xatas dag txog Yehauvas. Nws dag tias Yehauvas tsis muaj kev hlub thiab kav tsis zoo. (Chivkeeb 3:1-6; Yauj 4:18, 19) Xatas iab liam tias cov pe hawm Yehauvas yeej tsis hlub Nws tiag. (Yauj 2:4, 5) Xatas tseem dag ntxias coob leej ntau tus kom ntseeg tias lub ntiaj teb uas peb nyob no tsis yog Yehauvas tsim.—Loos 1:20, 21.
Koj xav li cas txog tej lus dag no? Koj yeej yuav xav tuaj Yehauvas tog! Yehauvas yeej paub tias cov uas hlub nws yuav hwm nws lub npe. (Muab piv rau Yaxayas 29:23.) Koj yuav hwm nws lub npe li cas?
-
Pab lwm tus los paub Yehauvas. (Yauhas 17:25, 26) Muab pov thawj qhia rau lawv tias yeej muaj Vajtswv tiag, thiab qhia rau lawv paub txog Nws tej yeeb yam qhuas lug.—Yaxayas 63:7
-
Hlub Yehauvas kawg siab kawg ntsws. (Mathais 22:37, 38) Koj mloog Yehauvas tej lus sam hwm vim koj yeej xav ua rau nws zoo siab, thiab nws tej lus yeej pab tau koj.—Pajlug 27:11
Tso zaj YEEB YAJ KIAB Txojkev Hlub Yeej Nyob Mus Ib Txhis Txawm . . . Raug Sim Tom Tsev Kawm Ntawv. Ces nug li no:
-
Elalaus (Ariel) thiab Di-ev Nkaum (Diego) txhawb Yehauvas lub npe li cas?
-
Dab tsi pab tau nkawd sawv khov kho?
-
Koj kawm tau li cas los ntawm nkawd?
9. Lub Koom Txoos Kev Kawm Vajlugkub
(30 feeb) lv tshooj 15 ¶1-9
