Lub 6 Hli Tim 9-15
PAJLUG 17
Hu Zaj Nkauj 157 Thiab Thov Vajtswv | Tos Txais (1 feeb)
Ib khub niam txiv Ixayees noj ib pluas mov uas tsis muaj ua luaj twg tiam sis nkawd nyob tau kaj siab lug
1. Cia Li Zoo Siab Rau Neb Kev Txij Nkawm
(10 feeb)
Yeej yuav tau siv dag siv zog thiaj muaj kev kaj siab hauv txoj kev txij nkawm (Pajlug 17:1; saib daim duab)
Sib zam, txhob sib ceg txog tej yam uas twb tsis luaj twg (Pajlug 17:9; g-E 9/14 11 ¶2)
Paub tswj neb txoj kev chim (Pajlug 17:14; w08-E 5/1 10 ¶6–11 ¶1)
2. Tshawb Nrhiav Tej Lus Nyiaj Lus Kub
(10 feeb)
-
Pajlug 17:5—Koj kawm tau li cas los ntawm nqe Vajlugkub no? (mwb22.05 5 ¶1)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Pajlug 17:1-17 (th zaj kawm 10)
4. Pib Nrog Luag Tham
(3 feeb) QHIA VAJLUGKUB THAUM MUS UB MUS NO. (lmd zaj kawm 3 lub ntsiab me 5)
5. Pib Nrog Luag Tham
(4 feeb) TSHAJ TAWM RAU TEJ CHAW UAS MUAJ NEEG COOB DUA KEV. Nug seb nws puas xav kawm Vajlugkub. (lmd zaj kawm 6 lub ntsiab me 4)
6. Lus Qhuab Qhia
(5 feeb) ijwbv-E zaj kawm 60—Lub Ntsiab: Tus Nru Lus Hauv Pajlug 17:17 Yog Txhais Li Cas Tiag? (th zaj kawm 13)
Hu Zaj Nkauj 113
7. Xyaum Los Sib Tham Lus
(15 feeb) Lus qhuab qhia thiab lus teb.
Yuav kom tsev neeg muaj kev zoo siab, yuav tsum yog ib leeg los nrog ib leeg tham. Thaum txhua tus hauv tsev neeg qhib siab lug sib tham sib txuas lus ces sawv daws yuav muaj kev koom siab, thiab ib leeg yuav txhawb tau ib leeg thaum muaj kev nyuaj siab. (Pajlug 15:22) Nej yuav ua li cas ib leeg thiaj los nrog ib leeg tham qhia siab hlo?
Lauj sij hawm los nyob ua ke. (2 Kevcai 6:6, 7) Thaum tsev neeg mus kev sib txoos, mus tshaj tawm txoj xov zoo, mus ua kev lom zem thiab ua ub ua no ua ke, yuav pab tau sawv daws muaj kev hlub, ib leeg yuav ntseeg ib leeg siab, thiab ib leeg yuav tau nrog ib leeg tham xyiv fab hlo. Tej thaud, koj yuav tau ua tej yam uas koj tsev neeg nyiam ua. Tiam sis yog koj ua li no, yuav pab tau txhua tus hauv tsev neeg! (Filipis 2:3, 4) Nej yuav ua li cas, nej thiaj siv lub sij hawm kom muaj nqis?—Efexus 5:15, 16.
Tso zaj YEEB YAJ KIAB Txoj Hau Kev Rau Tsev Neeg Muaj Kev Sib Haum Xeeb—Paub Sib Hais. Ces nug li no:
-
Yog siv tej twj ntawm tes heev dhau lawm, tsev neeg kev sib txuas lus yuav zoo li cas?
-
Koj kawm tau li cas hauv zaj yeeb yaj kiab no txog qhov uas sib txuas lus nrog tsev neeg?
Ua tib zoo mloog. (Yakaunpaus 1:19) Me nyuam yuav qhia siab dua thaum lawv paub tias lawv niam lawv txiv yuav tsis maj cem maj chim. Yog li no, ua siab ntev thaum me nyuam los qhia txog tej yam uas ua rau neb txhawj xeeb. (Pajlug 17:27) Neb yuav tsum ua tib zoo mloog kom to taub tej uas me nyuam xav hauv nruab siab. Yog neb ua li no, neb thiaj ua tau lub siab mos siab muag pab lawv.
