Makabulig Bala ang Biblia Para Magmalipayon ang Akon Pamilya?
Ang sabat sang Biblia
Huo. Ari ang pila ka halimbawa sang base sa Biblia nga mga laygay nga nakabulig sa minilyon ka lalaki kag babayi para magmalipayon ang ila pamilya:
Himua nga legal ang inyo pag-asawahay. Ang sumpa nga ginhimo sang mag-asawa nga magaupdanay sila tubtob buhi, amo ang pundasyon sang isa ka malipayon nga pamilya.—Mateo 19:4-6.
Magpakita sing gugma kag pagtahod. Nalakip sa sini ang pagtratar sa imo tiayon sa paagi nga gusto mo ikaw trataron.—Mateo 7:12; Efeso 5:25, 33.
Indi maghambal sing masakit nga mga tinaga. Maghambal sing mainayuhon, bisan pa nasakitan ka sa ginsiling ukon ginhimo sang imo tiayon. (Efeso 4:31, 32) Subong sang ginasiling sang Biblia sa Hulubaton 15:1: “Ang mahomok nga panalabton nagapalugpay sang kasingkal, apang ang matigdas nga polong nagapaibwal sang kaakig.”
Mangin matutom sa isa kag isa. Ang imo romantiko kag seksuwal nga interes dapat para lang sa imo tiayon. (Mateo 5:28) Ang Biblia nagsiling: “Ang pag-asawahay mangin dungganon sa tanan, kag ang hiligdaan sang pag-asawahay mangin wala sing dagta.”—Hebreo 13:4.
Hanasa sing mahigugmaon ang inyo kabataan. Indi mangin sobra ka matinuguton ukon sobra kapintas.—Hulubaton 29:15; Colosas 3:21.
Basi Manamian Ka Man
PAANO MANGIN MALIPAYON ANG IMO PAMILYA?
Magpagiya sa Dios Para Mangin Malipayon ang Pag-asawahay
Ang paggamit sing duha ka simple nga pamangkot makabulig sa inyo nga mangin malipayon ang inyo pag-asawahay.
SABAT SA MGA PAMANGKOT SA BIBLIA
Ano ang Ginasiling sang Biblia Parte sa Pag-asawahay?
Ang mga prinsipio sa Biblia makabulig sa mag-asawa nga malikawan ang pila ka problema. Makabulig man ini sa ila nga masolbar ang indi malikawan nga mga problema sa ila pag-asawahay.
PAG-ASAWAHAY KAG PAMILYA
Para sa Isa ka Malipayon nga Pag-asawahay: Ipakita ang Pagpalangga
Ang obra, stress, kag ang adlaw-adlaw nga mga problema puede mangin rason kon ngaa indi na mapakita sang mag-asawa ang pagpalangga sa isa kag isa. Puede pa bala mabalik ang ila pagpalanggaanay sadto?
SABAT SA MGA PAMANGKOT SA BIBLIA
Ano ang Buot Silingon sang ‘Padunggi ang Inyo Amay kag Iloy’?
Basi makibot ka nga lain ang buot silingon sini nga sugo sa ginapaabot mo.
PAG-ASAWAHAY KAG PAMILYA
Kon Paano Mangin Maayo nga Tatay
Kon maayo ka nga bana subong labanlaban nga mangin maayo ka man nga tatay kon matawo na ang inyo bata.
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.