“Subong na ang tion para pahaganhaganon ang tension kag untatan ang makahalalit nga ginahimo sang mga tawo. Subong na ang tion nga magpakita sang pagpugong sa kaugalingon,” siling ni António Guterres nga secretary-general sang United Nations, may labot sa pag-atake sang Iran sa Israel sang Sabado, Abril 13, 2024.

 Ang inaway sa Middle East isa lang ka halimbawa sa nagakatabo sa bilog nga kalibutan.

 “Subong, mas madamo ang kinagamo nga nagakatabo sa kalibutan halin sang World War II, kag naapektuhan sini ang 2 ka bilyon ka tawo nga 25 ka porsiento sang populasyon sa bilog nga kalibutan.”—United Nations Security Council, Enero 26, 2023.

 Ang mga pungsod nga naapektuhan sang makahalalit nga kinagamo amo ang Israel, Gaza, Syria, Azerbaijan, Ukraine, Sudan, Ethiopia, Niger, Myanmar, kag Haiti. a

 San-o matapos ang mga inaway? Masarangan bala sang mga lider sang kalibutan nga hatagan kita sing paghidait? Ano ang ginasiling sang Biblia?

 Ang kinagamo sa kalibutan subong nagapakita nga malapit na lang tapuson ang tanan nga inaway. Ginatuman sini nga mga inaway ang tagna sa Biblia parte sa aton tion subong. Ginatawag ini sang Biblia nga “hingapusan sang sistema sang mga butang.”—Mateo 24:3.

•   Magailinaway ang mga pungsod kag subong man ang mga ginharian.”—Mateo 24:6, 7.

 Basaha ang artikulo nga “Ano ang Tanda sang ‘Katapusan nga mga Adlaw,’ Ukon sang ‘Katapusan nga Panahon’?” para makita kon paano ang mga inaway nagtuman sang tagna sa Biblia.

 Ginasugid sang Biblia ang katapusan sang mga kinagamo. Paano ina matabo? Indi paagi sa ikasarang sang tawo kundi paagi sa Armageddon, “inaway nga mahanabo sa daku nga adlaw sang Dios nga Labing Gamhanan.” (Bugna 16:14, 16) Pagkatapos sini nga inaway, tumanon sang Dios ang iya promisa sa mga tawo nga may ara na sang wala katapusan nga paghidait.—Salmo 37:10, 11, 29.

 Para sa dugang nga impormasyon parte sa inaway sang Dios nga magatapos sang tanan nga inaway, basaha ang artikulo nga “Ano ang Inaway sa Armageddon?”