Ang kabuhi sa sining katapusan nga mga adlaw mabudlay gid. Kag samtang nagahilapit kita sa katapusan sini nga sistema, mas magabudlay pa gid ini. Mahimo kulangon kita sa materyal nga mga kinahanglanon. (Hab 3:16-18) Ano ang makabulig sa aton nga masarangan ang kapigaduhon? Dapat padayon kita nga magsalig kay Jehova nga Dios. Nagpromisa sia nga atipanon niya ang iya mga alagad, kag iaman gid niya ang aton mga kinahanglanon sa bisan ano nga sitwasyon.—Sa 37:18, 19; Heb 13:5, 6.

Ang puede mo himuon:

• Mangabay kay Jehova sing giya, kaalam, kag bulig.—Sa 62:8

• Mangin handa sa pagbaton sang bisan ano nga obra bisan wala mo pa ini mahimo sang una.—g 1/10 8-9, mga kahon

• Mangin regular sa imo espirituwal nga rutina, pareho sang pagbasa sang Biblia kada adlaw, pagtambong sa mga miting, kag pagministeryo

TAN-AWA ANG VIDEO NGA MAGTUKOD SING BALAY NGA MAKABATAS UKON INDI MAGUBA—“MANGIN KONTENTO KAMO SA MGA BUTANG NGA YARA SA INYO,” DAYON SABTI ANG MASUNOD NGA MGA PAMANGKOT:

• Ano ang mga kabudlayan sang pila ka pamilya?

• Ano ang pinakaimportante sa aton kabuhi?

• Paano naton mabuligan ang mga nagaeksperiensia sang kapigaduhon?