Napalig-on ang tinapok nga mga Judiyo sang palanan-awon ni Ezequiel sang templo kay naghatag ini sa ila sing paglaum nga ipasag-uli ang putli nga pagsimba. Sa sining katapusan nga mga adlaw, ang putli nga pagsimba natukod na sing “malig-on nga mataas pa sa putukputukan sang kabukiran,” kag lakip kita sa mga tawo halin sa tanan nga pungsod nga nagadugok sa sini. (Isa 2:2) Pirme mo bala ginapamalandungan ang imo pribilehiyo nga makilala kag maalagad si Jehova?

• Bugana nga espirituwal nga pagkaon nga nagahatag sing sabat sa importante nga mga pamangkot sa kabuhi, sing praktikal nga mga giya nga sundon naton, kag sing sigurado nga paglaum.—Isa 48:17, 18; 65:13; Ro 15:4

• Mahigugmaon nga paghiliutod sa bilog nga kalibutan.—Sa 133:1; Ju 13:35

• Pribilehiyo nga mangin masigkamanugpangabudlay sang Dios sa makalilipay nga hilikuton.—Bin 20:35; 1Co 3:9

• “Ang paghidait sang Dios” nga nagapabakod sa aton kon may kabudlayan.—Fil 4:6, 7

• Matinlo nga konsiensia.—2Ti 1:3

• “Suod nga pagpakig-abyan kay Jehova.”—Sa 25:14

Sa ano nga mga paagi ko mapakita nga ginapabaloran ko ang putli nga pagsimba?