Ginpamensaran gid sing maayo ang mga sampol nga pag-istoryahanay, gani madamo ang nagsiling nga epektibo ini sa ila teritoryo. Pero bangod lainlain ang kahimtangan sa bilog nga kalibutan, ang mga manugbantala puede maggamit sing lain nga paagi ukon topiko sa ila pagministeryo nga bagay sa mga tawo sa ila lugar. Siempre, dapat sundon sang tanan ang mga instruksion para sa pinasahi nga kampanya. Gusto gid naton tumanon ang sugo ni Jesus nga ibantala ang maayong balita sang Ginharian.—Mat 24:14.

Kon may bahin ang manugbantala, dapat niya binagbinagon ang topiko sa sampol nga pag-istoryahanay sa Pagkabuhi kag Pagministeryo nga Workbook Para sa Miting. Pero puede sia makagamit sing lain nga pamangkot, teksto, sunod nga istoryahan, ukon setting nga epektibo sa ila teritoryo kon wala man sing instruksion sa workbook nga dapat sundon ang sampol nga pag-istoryahanay. Amo ini ang pagbag-o sa instruksion nga makita sa pahina 8 sang Hunyo 2020 nga workbook para sa miting.