Ginlaygayan kita sang Kasulatan nga kabigon ang tigulang nga mga Cristiano subong aton mga iloy kag amay kag ang mga lamharon subong aton mga utod. (Basaha ang 1 Timoteo 5:1, 2.) Dapat gid trataron sang mga brother nga may dignidad kag pagtahod ang mga sister.

Indi dapat magpakiat ang brother ukon maghimo sang bisan ano nga indi nagakaigo nga mahimo makatublag sa sister. (Job 31:1) Indi dapat pagpabatyagon sang soltero nga brother ang dalaga nga sister nga interesado sia sa iya kon wala man lang sia sing intension nga pangaluyagan sia.

Kon matinahuron nga nagapamangkot ang mga sister ukon nagapabutyag sang ila mga opinyon, dapat man sila pamatian sing maayo sang mga gulang. Ilabi na gid nga ginatalupangod sang mga gulang ang mga sister nga wala sing bana nga makaamlig sa ila.—Rut 2:8, 9.

TAN-AWA ANG VIDEO NGA IPAKITA ANG WALA NAGAKAPASLAWAN NGA GUGMA SA KONGREGASYON—SA MGA BALO KAG ILO, DAYON SABTI ANG MASUNOD NGA MGA PAMANGKOT:

• Paano ginpakita sang kongregasyon ang tumalagsahon nga gugma kay Sister Myint?

• Paano ang gugma nga ginpakita sang kongregasyon nakahatag sing maayo nga panaksi sa iya mga kaingod?

• Ano ang epekto sang gugma nga ginpakita sang kongregasyon sa mga anak nga babayi ni Sister Myint?

Ano ang pila ka praktikal nga mga paagi nga mapakita mo ang gugma sa mga sister sa imo kongregasyon?