KON NGAA IMPORTANTE: Gintagna ni Zacarias nga ang mga tawo halin sa tanan nga lenguahe sang mga pungsod magabaton sang maayong balita. (Zac 8:23) Pero sin-o ang magatudlo sa ila? (Ro 10:13-15) Pribilehiyo naton kag responsibilidad nga isugid ang maayong balita sa tanan nga tawo sa aton teritoryo.—od 84 ¶10-11.

KON PAANO INI HIMUON:

• Maghanda. May ara bala sa inyo teritoryo nga lain ang lenguahe? Magamit mo ang JW Language app para magtuon sing simple nga presentasyon. Ukon paagi sa imo mobile device, mapakita mo sa imo ginaistorya ang dugang nga impormasyon sa iya lenguahe sa jw.org

• Magpanilag. Kon nagapamalaybalay, indi pagpalampasa ang kahigayunan nga mapanaksihan ang mga nagalabay ukon nagahulat sa ila salakyan. Kon nagapanaksi sa publiko nga lugar, tinguhai nga magpokus gid sa imo pagpanaksi

• Mangin mapisan. Tinguhai gid nga mapanaksihan ang mga tawo nga wala sa ila balay sang nagkadto ka. Mahimo ka magbalik sa lain nga oras ukon sa lain nga adlaw. Ang iban mahimo makontak paagi sa sulat, telepono, ukon sa publiko nga pagpanaksi

• Magbalik. Baliki dayon ang mga interesado. Kon lain ang lenguahe sang interesado, magpaupod sa isa nga makahambal sang iya lenguahe para mabuligan sia. Padayon sia nga baliki asta nga makadtuan sia sang manugbantala nga nagahambal sang iya lenguahe.—od 94 ¶39-40

TAN-AWA ANG VIDEO NGA PAGBANTALA “SA PINAKAMALAYO NGA BAHIN SANG DUTA,” DAYON SABTI ANG MASUNOD NGA MGA PAMANGKOT:

• Ano nga paghanda ang ginhimo sang mga kauturan para mabantalaan ang mga tawo sa malayo nga lugar? (1Co 9:22, 23)

• Ano nga mga kabudlayan ang ila naatubang?

• Ano nga mga pagpakamaayo ang ila nabaton?

• Ano ang imo mahimo para makabantala ka sa mas madamo nga tawo sa inyo teritoryo?