AMBAHANON 139
Handurawa nga Bag-o Na ang Tanan
-
1. Handurawa, nga yara ka
Sa kalibutan nga ginbag-o na.
Ano imo nga batyagon
Sa kalibutan nga malinong?
Wala na sing malauton;
Si Jehova na ang ’gagahom.
Yari na karon ang bag-o nga duta.
Dayawon ang Dios sa aton nga pag-amba:
(KORO)
“Salamat, O Dios, tanan nagbag-o,
Paagi sa paggahom sang Cristo.
Gani kami karon sa imo ’gaamba;
Takus ka padunggan, O Dios nga Jehova.”
-
2. Handurawa, tanan kita
Nagapuyo sa bag-o nga duta.
Wala na sing kahadlukan
Ukon kulba nga mabatyagan.
Saad sang Dios natuman na;
Ginhumlad n’ya ang iya tolda.
Mga napatay banhawon na niya;
Sila magabuylog sa aton pag-amba:
(KORO)
“Salamat, O Dios, tanan nagbag-o,
Paagi sa paggahom sang Cristo.
Gani kami karon sa imo ’gaamba;
Takus ka padunggan, O Dios nga Jehova.”
(Tan-awa man ang Sal. 37:10, 11; Isa. 65:17; Juan 5:28; 2 Ped. 3:13.)
