1. Mga saad ni Jehova

’Gabulig sa aton

Nga mabatas ang pagtilaw

Agod makapadayon.

Ini nga mga pagtilaw,

Nagaputli sa aton.

Gani mangin malig-on ’ta

Katutom huptan naton.

2. Ang aton una nga gugma

Aton gid tipigan.

Mahimo magtahaw ini

Kon aton nga pabay-an.

Bisan pa may paghingabot

Dapat nga magsalig ka.

Indi ka n’ya pagpabay-an

Mabulig si Jehova.

3. Ang mga mabinatason

Ila nga mabaton

Padya nga ginalauman,

Ang kabuhi nga dayon.

Padayon ka nga magbatas,

Kag magmatutom sa Dios.

Kahamuot ni Jehova

Matigayon sing bug-os.