MAGMATA! Num. 2 2018 | 12 ka Sekreto Para Magmadinalag-on ang Pamilya
12 ka Sekreto Para Magmadinalag-on ang Pamilya
Nahibaluan naton ang mga rason kon ngaa nagakaguba ang mga pamilya. Pero ano ang sekreto sang mga nagmadinalag-on nga mga pamilya?
Halin sang 1990 asta sang 2015 sa United States, nagdoble ang kadamuon sang mga nagdiborsio nga mga mag-asawa nga nagaedad sing sobra 50 anyos, kag tatlo ka pilo sa mga nagaedad sing sobra 65 anyos.
Nagalibog ang ulo sang mga ginikanan: May mga eksperto nga nagasiling nga dapat nila pirme dayawon ang ila mga bata, pero siling naman sang iban dapat sila mangin estrikto.
Nagadaku ang mga kabataan nga wala sing ikasarang para magmadinalag-on.
Pero, ang matuod . . .
Mahimo mangin makalilipay kag mangin permanente ang pag-asawahay.
Mahimo matun-an sang mga ginikanan nga disiplinahon ang ila kabataan nga may pagpalangga.
Mahimo matun-an sang mga kabataan ang mga ikasarang nga magamit nila sa ulihi.
Paano? Ini nga isyu sang Magmata! magasugid sang 12 ka sekreto para magmadinalag-on ang pamilya.
1: Katutom
Tatlo ka panugda para indi magbulagay ang mag-asawa.
2: Pagbuligay
Daw mag-roommate na lang bala kamo nga mag-asawa?
3: Respeto
Hibalua kon ano ang mga dapat mo ihambal kag himuon para magbatyag ang imo bana ukon asawa nga ginarespeto mo sia.
4: Pagpatawad
Ano ang makabulig sa imo nga mapalampas ang mga kakulangan sang imo bana ukon asawa?
5: Komunikasyon
Tatlo ka paagi nga makabulig sa imo nga magsuod sa imo kabataan.
6: Disiplina
Nagabuhin bala ang kompiansa sang bata bangod sa disiplina?
7: Pamatasan
Ano nga mga talaksan ang itudlo mo sa imo kabataan?
8: Halimbawa
Kon gusto mo nga sundon sang imo kabataan ang imo ginasiling, dapat makita nila nga ginahimo mo ini.
9: Identidad
Paano ang mga pamatan-on makapanindugan sa ila mga pagpati?
10: Pagkamasaligan
Ang pagtigayon sang pagsalig sang imo ginikanan makabulig gid sa imo sa ulihi.
11: Kapisan
Kon mapisan ka samtang pamatan-on ka pa lang, mangin madinalag-on ka gid sa bisan ano nga himuon mo sa ulihi.
12: Tulumuron
Kon malab-ot mo ang imo mga tulumuron, magadugang ang imo kompiansa, magabakod ang inyo pag-abyanay, kag mangin mas malipayon ka.
Dugang nga Bulig sa Pamilya
Makabulig gid ang mga laygay sa Biblia para magmadinalag-on kag magmalipayon ang imo pamilya.
