“Kon nasubuan ako, ginapalig-on ako ni Jehova paagi sa mga kanta sa JW Broadcasting^®.”​—Lorraine, U.S.A.

Halin pa sang una, bahin na sang aton pagsimba ang “espirituwal nga mga ambahanon.” (Col. 3:16) Kon sauluhon mo ini nga mga ambahanon, makabulig ini sa imo sa tion nga wala ka sing magamit nga songbook ukon gadyet. Testingi ang masunod nga mga panugda para mabuligan ka nga masaulo ang pila sa aton mga ambahanon.

• Basaha sing maayo ang lyrics para mahangpan mo ini. Kon nahangpan mo ang isa ka impormasyon, mas madali mo ini madumduman. Makita sa jw.org/hil ang lyrics sang tanan naton nga ambahanon, pati ang orihinal nga mga kanta kag ang mga kanta para sa kabataan. Pangitaa ang Musika sa seksion nga Library.

• Isulat ang lyrics. Makabulig ini para mas matandaan mo ang lyrics.​—Deut. 17:18.

• Magpraktis sing matunog. Basaha ukon kantaha ang ambahanon sing sulitsulit.

• Testingi kon nasaulo mo na ang ambahanon. Indi pagtan-awa ang lyric sheet, kag tilawi kon bala nasaulo mo na ang lyrics.