“Dapat Gid Ini Basahon”

Amo sini ang ginsiling sang isa ka propesor sa pisika sa Estados Unidos parte sa libro nga Is There a Creator Who Cares About You? * Sia nagsulat: “Ginabinagbinag sang libro ang pila sang labing makalilibog nga mga pamangkot tuhoy sa astrophysics, molecular biology, kag anatomiya sang lawas sang tawo, nga mabudlay gid ipaathag kon silingon lang nga nagtuhaw ini. . . . Ang pagbinagbinag sa mga halimbawa kag mga argumento nga ginpakita sa libro mapuslanon sa mga nagapati sa ebolusyon ukon sa pagpanuga.”

Ang isa ka babayi nagsulat: “Indi ko mapaathag ang akon apresasyon sa sini nga libro. Daw indi ko pagbuy-an ang libro, samtang ginalaragway sini ang iban pa nga natukiban sang mga sientipiko sa aton uniberso. Madamo gid ako sing natun-an!”

Ang iban pa nga butang nga nanamian niya sa libro amo ang argumento sini parte sa apat ka panguna nga pisikal nga puersa kag ang kinalain sang tawo sa sapat.

Nahunahuna mo na bala kon may mabakod gid man nga ebidensia ang siensia sa pagluntad sang Manunuga? Kon may Manunuga gid man, nagaulikid bala sia sa aton? Mahibaluan mo ang sabat sa sini nga mga pamangkot paagi sa sining matahom nga libro nga may 192 ka pahina. Makapangabay ka sing isa ka kopya paagi sa pagsulat sa kaupod nga kupon kag pagpadala sini sa adres sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.

[Nota]

[Retrato sa pahina 32]

Laragway sang daw mga haligi nga gas nga ginatawag “Pillars of Creation” nga makita sa NGC 6611 Nebula, ukon Eagle Nebula (M16). Kuha sang Hubble Space Telescope

[Picture Credit Line sa pahina 32]

Photo above and on cover: J. Hester and P. Scowen (AZ State Univ.), NASA