“Pinasahi Gid Ini!”

▪ Amo sina ang paglaragway sang isa ka direktor sang surbe sa pag-asawahay tuhoy sa libro nga Ang Sekreto Sang Kalipay sa Pamilya. Ginhatagan sia sang isa ka kopya sini nga libro sang isa ka mag-asawa nga nagpakigbahin sa surbe kag nagsiling nga nabuligan sila sini nga libro agod mangin handa para sa pag-asawahay.

Ginsulatan sang direktor ang mag-asawa para pasalamatan sila sa sining “pinasahi nga regalo” nga ginpadala sa iya. Ginalauman niya nga matudluan sang mga mag-asawa kaangay nila ang iban kon “paano mapabakod kag mapalig-on ang pag-asawahay.” Napat-od gid niya nga ang mga publikasyon kaangay sang Ang Sekreto Sang Kalipay sa Pamilya makabulig sa mga mag-asawa kon paano solbaron ang mga problema. Ginsambit man sang direktor nga ining mag-asawa mas maayo sangsa iban bangod sang ila mabakod nga pagtuo kag pagsalig sa Dios.

Naghambal ang direktor nga ginatungtong niya ini nga libro sa ibabaw sang iya lamesa kag ginapakita niya ini sa iya mga estudyante nga nagapangayo sing laygay tuhoy sa pag-asawahay. Naghinakop sia, “Wala pa gid ako makakita sing kaangay sini nga libro, pinasahi gid ini!”

Linibo ka mag-asawa sa bug-os nga duta ang nabuligan sang libro nga Ang Sekreto Sang Kalipay sa Pamilya. Makabulig man ini sa imo nga maaplikar ang mga prinsipio sa Biblia agod mangin mas malipayon ang imo pamilya.

Makapangabay ka sing kopya sining 192-pahina nga libro paagi sa pagsulat sa kaupod nga kupon kag ipadala ini sa adres sa ubos ukon sa nagakaigo nga adres nga makita sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□Isulat kon ano nga lenguahe.

□ Palihug kontaka ako tuhoy sa walay bayad nga pagtuon sa Biblia sa puluy-an.