Nakaagi ka na bala problema parte sa obra ukon kuarta? Indi mahapos ang pagpangita sang aton mga kinahanglanon kag ang paghatag sang pagsimba kay Jehova nga para gid sa iya. Ang Biblia may mga laygay nga makabulig gid sa aton.

1. Ano ang ginasiling sang Biblia parte sa obra?

Gusto sang Dios nga malipay kita sa aton obra. Ang Biblia nagasiling nga “ang pinakamaayo nga mahimo sang tawo amo nga. . . magkalipay sa iya ginpangabudlayan.” (Manugwali 2:24) Mapisan gid si Jehova. Kon ilugon naton sia kag mangin mapisan sa aton obra, malipay sia, pati man kita.

Importante ang obra. Pero dapat indi ini mangin mas importante sangsa aton pagsimba kay Jehova. (Juan 6:27) Nagpromisa si Jehova nga kon unahon naton sia, ihatag niya ang aton mga kinahanglanon.

2. Ano ang ginasiling sang Biblia parte sa kuarta?

Ang Biblia nagsiling nga ang kuarta pangamlig, pero nagpaandam man ini nga indi lang kuarta ang makapalipay sa aton. (Manugwali 7:12) Gani, ginlaygayan kita nga indi paghigugmaon ang kuarta, kundi ‘mangin kontento kita sa mga butang nga yara sa aton.’ (Basaha ang Hebreo 13:5.) Kon kontento kita sang ara sa aton, indi na kita sige pamensar sing dugang pa. Wala kita nagapangutang kon indi gid kinahanglan. (Hulubaton 22:7) Malikawan naton ang malain nga resulta sang pagsugal kag pag-entra sa mga negosyo nga dasig makakuarta pero nagapangdaya na.

3. Paano kita mangin maalwan sa paggamit sang kuarta?

Si Jehova maalwan nga Dios, kag mailog naton sia kon ‘maalwan kita, kag handa sa pagpaambit.’ (1 Timoteo 6:18) Mangin maalwan kita kon ginagamit naton ang aton kuarta sa pagbulig sa kongregasyon kag sa iban nga nagakinahanglan, ilabi na gid sa mga nagasimba man kay Jehova. Ginatan-aw ni Jehova indi ang kadakuon sang aton ginahatag, kundi ang aton motibo sa paghatag. Kon maalwan kita nga nagahatag, malipay kita, pati man si Jehova.—Basaha ang Binuhatan 20:35.

 USISAA PA GID

4. Dayawa si Jehova ano man ang imo obra

 5. Makabenepisyo kita kon kontento kita

Madamo nga tawo ang nagatinguha gid nga magmanggaranon. Pero lain ang laygay sang Biblia. Basaha ang 1 Timoteo 6:6-8, dayon binagbinaga ini nga pamangkot:

• Ano ang ginalaygay sang Biblia nga himuon naton?

6. Ihatag ni Jehova ang aton mga kinahanglanon

 SUMARYO

Importante ang obra kag kuarta, pero indi ini dapat mangin rason nga indi na kita makaalagad kay Jehova.

Rebyu

• Ano ang makabulig sa imo para masunod ang ginasiling sang Biblia parte sa obra?

• Ano ang benepisyo kon kontento ka?

• Paano mo mapakita nga nagasalig ka sa promisa ni Jehova nga ihatag niya ang kinahanglanon sang iya katawhan?