Salmo 137:1-9
137 Nagpungko kami sa higad sang mga suba sang Babilonia.+
Naghilibion kami sang madumduman namon ang Sion.+
2 Ginsang-at namon ang amon mga arpa+Sa mga kahoy nga alamo sa tunga sang Babilonia.
3 Ginpakanta kami sang mga nagbihag sa amon,+Ginsugo kami sang mga nagyaguta sa amon nga lingawon sila:
“Kantahi ninyo kami sing ambahanon tuhoy sa Sion.”
4 Paano kami makakanta sing ambahanon tuhoy kay JehovaSa duta sang mga dumuluong?
5 Kon malimtan ko ikaw, O Jerusalem,Kabay nga mangin malipaton* ang akon tuo nga kamot.+
6 Kabay nga ang akon dila magtapik sa akon alingagngag,Kon indi ko ikaw pagdumdumon,Kon indi ko paghimuon ang Jerusalem nga labawSa tanan nga kabangdanan sang akon kalipay.+
7 Dumduma, O Jehova,Ang ginsiling sang mga Edominhon sang adlaw nga napukan ang Jerusalem:
“Gub-a sia! Gub-a sia sing bug-os!”+
8 Kamo nga mga pumuluyo sang Babilonia, nga malapit na laglagon,+Malipayon ang magabalos sa imoKag magahimo sa imo sang ginhimo mo sa amon.+
9 Malipayon ang magakuha sang imo mga anakKag magalampos sa ila sa mga bato.+
Footnote
^ Ukon mahimo, “nga maitus.”
