‘Si Jehova Ara Gid Pirme nga Handa Magbulig sa Akon’

I-PLAY

Sang Enero 20, 2025, nagdesisyon ang Cherkessk City Court of the Karachayevo-Circassian Republic nga guilty si Sister Rimma Popova kag ginsentensiahan sia sang apat ka tuig kag anom ka bulan nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Rimma Popova

Natawo: 1968 (Psyzh, Karachayevo-Circassian Republic)

Nabawtismuhan: 2012

Biograpiya: Sia ang manager sang housekeeping sa isa ka clinic. May isa sia ka bata nga lalaki kag isa ka bata nga babayi

Gin-akusaran sang: Pag-istorya sa iban parte sa Biblia

Halos 60 ka adlaw sia nga gin-house arrest

Sentensia: Apat ka tuig kag anom ka bulan nga suspended prison

Ang Iya Ginsiling

Ano nga leksion ang natun-an mo bangod sini nga paghingabot?

Natun-an ko kon paano magsalig sing bug-os kay Jehova. Abi ’ko ginahimo ko na ina sadto, pero sang naagyan ko ini nga kabudlayan, narealisar ko nga kinahanglan ko pa gid mangin suod kay Jehova. Daw kadasig sa akon mabalaka kag madulaan sang pasensia. Pero ginatinguhaan ko gid nga mangin kalmado sa mabudlay nga sitwasyon. Mas maayo nga maghulat kay Jehova kag dumdumon ang iya ginsiling sa Salmo 32:8: “Hatagan ko ikaw sing paghangop kag tudluan ko ikaw sang dalanon nga dapat mo laktan. Laygayan ko ikaw samtang nagatulok ako sa imo.” Wala gid pirme nagakatabo kon ano ang akon ginapaabot. Pero sigurado ako nga nakita gid ni Jehova ang nagakatabo sa akon kabuhi. Ara gid sia pirme nga handa magbulig sa akon, ginagiyahan niya ako kon ano ang dapat ko himuon kag kon paano ko ini himuon.

Nagapasalamat gid kita nga nabal-an ni Jehova ang aton mga kinahanglanon kag pakamaayuhon niya gid ang tanan nga nagahulat sa iya.—Salmo 5:2, 3.

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE