Sang Oktubre 20, 2024, nag-landfall ang Bagyo Oscar malapit sa siudad sang Baracoa, sa probinsia sang Guantánamo sa sidlangan nga bahin sang Cuba. Ang Category 1 nga bagyo may hangin nga ang kabaskugon 120 ka kilometro kada oras. Gani nagkalaguba ang mga linya sang kuryente sa sina nga lugar. Grabe man ang ulan sa pila ka bahin sa sidlangan nga bahin sang Cuba kay mga 38 ka sentimetro ang ulan. Nabahaan ang mga balay kag balaligyaan kag nahalitan ang mga pananom. Sobra 2,000 ka balay ang naguba sa sina nga probinsia, kag indi magnubo sa pito ka tawo ang napatay.

• Makapasubo nga isa ka tigulang nga sister ang napatay

• 2 ka manugbantala ang may gamay nga injury

• 14 ka manugbantala ang nagbakwit

• 13 ka balay ang nawasak, 2 sa sini ang ginagamit para sa mga miting sa kongregasyon

• 22 ka balay ang may daku nga guba

• 5 ka balay ang may gamay nga guba

• Ang mga representante halin sa branch office, manugtatap sang sirkito, kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan

• May gin-asayn nga 2 ka Disaster Relief Committee para magdumala sang pagbulig

Nasubuan gid kita bangod sa kamatayon kag halit nga resulta sini nga bagyo. Pero, nagasalig gid kita nga ang aton Amay sa langit nga si Jehova, magaalay-ay sa mga nagasalig sa iya.—Salmo 55:22.