Sang Pebrero 15, 2022, ang mabaskog nga pag-ulan nagresulta sa mga mudslide nga nagpatay sang madamo nga tawo sa siudad sang Petrópolis sa estado sang Rio de Janeiro, Brazil. Ini nga kalamidad nagguba sang mga balay kag mga negosyo. Mga 26 ka sentimetro nga ulan ang nagtupa sa sulod sang 24 oras, nga pinakamataas sa ila rekord.

• 1 ka brother ang malubha nga nasamaran kag gindala sa ospital. Nasubuan gid kita nga napatay ang iya 2 anyos nga bata nga lalaki sang nalubong ini sa mudslide

• 1 pa ka brother ang napatay

• 86 ka manugbantala ang nagbakwit

• 2 ka balay ang nawasak

• 15 ka balay ang may daku nga guba

• 2 ka Kingdom Hall ang may gamay nga guba

• Gin-organisar ang isa ka Disaster Relief Committee para sa pagbulig

• Ang manugtatap sang sirkito kag ang mga gulang sa kongregasyon nagaaman sang pagkaon, tubig, kag mga bayo. Ginapalig-on man nila ang naapektuhan nga mga kauturan

• Ang nagbakwit nga mga kauturan nagadayon lang anay sa ila mga paryente ukon iban pa nga Saksi nga mga pamilya

• Ang tanan nga pagbulig ginahimo samtang ginasunod ang mga safety protocol nga ginapatuman bangod sa COVID-19

Ginapangamuyo naton ang mga kauturan nga apektado sini nga trahedya, kag nahibaluan naton nga si Jehova ‘magalugpay sang ila tagipusuon kag magapalig-on sa ila,’ ilabi na sa mga napatyan sang mga pinalangga.—2 Tesalonica 2:16, 17.