Sang Disiembre 28, 2022, gin-approve sang Town Board sang Ramapo ang isa ka special permit para sa construction project sa Ramapo. a Bangod sa sini nga special permit, puede na himuon ang zoning sang site para makapatindog sang mga office building, studio, kag mga residence building nga kinahanglan naton. Dugang pa, puede na sugdan ang pag-clearing sa property para ma-aprobahan sang Town Planning Board ang site plan, nga ginapaabot nga ma-approve subong nga 2023. Ini nga special permit makabulig para indi maatrasar ini nga proyekto.

Si Brother David Soto, nga nagaalagad sa Construction Project Committee, nagsiling: “Nalipay gid kami nga mabaton namon ini nga approval. Bisan madamo pa sing hilimuon antes masugdan ang aktual nga konstruksion, nagasalig kami nga padayon nga pakamaayuhon ni Jehova ang aton mga panikasog.”

1. Oktubre 5, 2019

   Ginpahibalo sang Nagadumala nga Hubon nga tingbon sa isa ka bag-o nga pasilidad ang tanan nga media production kag patindugon ini nga pasilidad sa Ramapo, New York

2. Hunyo 26, 2020

   Pormal kita nga nag-submit sa Ramapo Town Board

3. Hulyo 8, 2020

   Una nga project meeting upod sa Ramapo Town Board

4. Marso 31, 2021

   Nag-submit kita sang Draft Environmental Impact Statement

5. Marso 8, 2022

   Gin-approve sang Town of Tuxedo Planning Board ang permit para sa pagpasangkad kag pag-adjust sang entrance sang property sang Ramapo

6. Marso 12, 2022

   Ginbaton ang Final Environmental Impact Statement

7. Nobiembre 9, 2022

   Gin-approve sang Ramapo Town Board ang pagbag-o sa zoning para magamit ang property bilang opisina kag residence

8. Disiembre 28, 2022

   Gin-approve sang Ramapo Town Board ang special permit, para sa zoning kag site clearing sang pasilidad

9. Pending

   Pag-approve sang bilog nga site plan