ji haan, parmeshvar ek khaas jagah mein rehta hai. aur woh jagah hai, swarg. bible ki in aayton par dhyan deejiye:

raja sulaiman ne ek prarthna mein kaha, “tu apne swargeeya nivassthan mein se sun.”—1 raja 8:43.

yeeshu maseeh ne apne chelon ko sikhaya ki woh “swarg mein” rehnevale “pita” se prarthna karein.—matti 6:9.

yeeshu apne punrutthan ke baad, “swarg hi mein daakhil hua taaki . . . ab parmeshvar ke saamne haazir ho.”—ibraniyon 9:24.

in aayton se saaf pata chalta hai ki yahova parmeshvar ek asal shakhs hai. aur yah bhi ki woh har jagah nahin rehta, balki sirf swarg mein rehta hai.