yakub ki chitthi 3:1-18
3 mere bhaaiyo, hammein se bahot log shikshak na banein kyonki hum jaante hain ki hum aur bhi bhaari* saza paayenge.+
2 kyonki hum sab kai baar galti karte hain.*+ agar koi insan bolne mein galti nahin karta, to woh paripoorna hai aur apne poore shareer ko bhi kaaboo mein rakh sakta hai.*
3 hum ghode ke munh mein lagam lagate hain taaki woh hamari baat maane aur isse hum uske poore shareer ko bhi kaaboo mein kar paate hain.
4 jahazon ke baare mein bhi socho! haalanki woh itne bade hote hain aur tez havaon se chalaye jaate hain, fir bhi ek chhoti-si patvar se naavik unhein jahaan chahe vahaan le jaa sakta hai.
5 usi tarah, jeebh bhi hamare shareer ka ek chhota-saa ang hai fir bhi yah badi-badi dingein maarti hai. dekho! poore jangal mein aag lagane ke liye bas ek chhoti-si chingari kaafi hoti hai.
6 jeebh bhi ek aag hai.+ yah hamare shareer ke angon mein burai ki ek duniya hai kyonki yah poore shareer ko dooshit kar deti hai+ aur insan ki poori zindagi mein aag laga deti hai aur yah gehanna* ki aag ki tarah bhasm kar deti hai.
7 har tarah ke jangli jaanvar, pakshi, reingnevale jeev-jantu aur samudri jeevon ko to paaltoo banaya jaa sakta hai aur insan ne unhein kaaboo mein karke paaltoo banaya bhi hai,
8 magar jeebh ko koi bhi insan kaaboo mein nahin kar sakta. yah aisi khatarnak aur bekaboo cheez hai jo jaanleva zehar se bhari hai.+
9 isi se hum apne pita yahova* ki taareef karte hain aur isi se insanon ko baddua dete hain jinhein “parmeshvar ke jaisa” banaya gaya hai.+
10 ek hi munh se taareef aur baddua donon nikaalte hain.
bhaaiyo, aisa nahin hona chahiye.+
11 kya aisa ho sakta hai ki ek hi sote se meetha paani bhi nikle aur khaara paani bhi?
12 mere bhaaiyo, kya anjeer ke ped par jaitoon ke fal lag sakte hain ya angoor ki daali par anjeer ke fal nikaal sakte hain?+ nahin. usi tarah khaare paani ke sote se meetha paani nahin nikaal sakta.
13 tummein buddhiman aur samajhdar kaun hai? jo hai woh ise apne badhiya chaalchalan se dikhaye aur buddhi se paida honevale komal swabhav ke mutabik kaam kare.
14 lekin agar tumhare dilon mein jalan-kudhan+ aur jhagde ki bhaavna* ho,+ to shekhi na maaro+ aur sachchai ke khilaf jhooth mat bolo.
15 yah buddhi woh nahin jo swarg se milti hai balki yah duniyavi,+ shaareerik* aur shaitani hai.
16 kyonki jahaan jalan aur jhagde hote hain,* vahaan gadbadi aur har tarah ki burai bhi hogi.+
17 lekin jo buddhi swarg se milti hai woh sabse pehale to pavitra ,+ fir shaanti kaayam karnevali,+ lihaz karnevali,+ aagya maanne ke liye taiyar, daya aur achhe kaamon se bharpoor hoti hai.+ yah bhedbhav nahin karti+ aur na hi kapti hoti hai.+
18 jo shaanti kaayam karte hain,+ unke liye shaanti ke haalaat mein neki ka fal boya jaata hai.*+
kai footnote
^ ya “kadi.”
^ shaa., “thokar khaate hain.”
^ shaa., “lagam laga sakta hai.”
^ ya shaayad, “bada banne ka junoon.”
^ ya “jaanvaron jaisi.”
^ ya shaayad, “aur bada banne ka junoon hota hai.”
^ ya shaayad, “woh shaanti ke haalaat mein neki ka fal bote hain.”
