yahejkel 32:1-32
32 aur 12vein saal ke 12vein maheene ke pehale din, yahova ka sandesh ek baar fir mere paas pahuncha. usne mujhse kaha,
2 “insan ke bete, misra ke raja firaun ke baare mein ek shokgeet gaa aur usse keh,
‘tu raashtron ke beech ek javan taakatvar sher jaisa tha,magar tujhe khaamosh kar diya gaya hai.
tu samundar ke ek bade bhayanak jeev ki tarah tha,+ tu apni nadiyon mein uchhal maarta tha,apne pairon se paani matmaila karta tha, nadiyon* ko ganda karta tha.’
3 saare jahan ka maalik yahova kehta hai,
‘main kai raashtron ki ek toli se tujh par apna jaal dalvaunga,woh tujhe mere bade jaal mein faanskar oopar khinch leinge.
4 main tujhe zameen par le jaakaar chhod doonga,khule maidan mein patak doonga.
main aakash ke saare panchhiyon ko tujh par bithaunga,poori dharti ke jangli jaanvaron ko tera maans khilakar santusht karoonga.+
5 main teri laash pahadon par feink doongaaur tere bache huye tukdon se ghaatiyaan bhar doonga.+
6 tere khoon ki jo tez dhaara futegi usse main zameen ko pahadon ki unchaiyon tak tar kar doonga,tere khoon se nadiyaan bhar jaayengi.’*
7 ‘jab tujhe bujha diya jaayega tab main aakash ko dhaanp doonga, uske taaron ki chamak mita doonga.
main sooraj ko baadlon se dhak doonga,chaand apni chaandni nahin bikherega.+
8 main teri vajah se aakash ki saari jagmagati jyotiyon ki raushni khatm kar doonga,tere desh ko andhkar se dhaanp doonga.’ saare jahan ke maalik yahova ka yah ailan hai.
9 ‘jab main tere logon ko bandi banvakar doosre raashtron mein bhej doonga,un deshon mein, jo unke liye anjan hain,to desh-desh ke logon ke dilon mein ghabrahat paida kar doonga.+
10 jab main desh-desh ke raajaon ke dekhte tujh par talvar chalaunga,to woh dar ke maare thartharane lageinge, unke log hakke-bakke reh jaayenge.
jis din tu girega us dinsabhi kaanpte raheinge ki kahin woh bhi na maar daale jaayen.’
11 saare jahan ka maalik yahova kehta hai,
‘baibilon ke raja ki talvar tujh par chalegi.+
12 main teri bheed ko uske soormaon ki talvaron ka kaur bana doonga,uske sabhi soorma duniya ke sabse khoonkhar log hain.+
woh misra ka ghamand choor kar deinge aur uski poori bheed mit jaayegi.+
13 main uske nadi-naalon ke paas rehnevale sabhi maveshiyon ko naash kar doonga,+fir kabhi uske nadi-naale kisi insan ke pair ya jaanvar ke khur se gande nahin honge.’+
14 ‘us vakt main unka paani saaf karoonga,unki nadiyon ko tel ki tarah bahaunga.’ saare jahan ke maalik yahova ka yah ailan hai.
15 ‘main misra ko ujaadkar veerana bana doonga, bhare-poore desh ko khaali kar doonga,+uske sabhi nivasiyon ko maar daaloonga.tab unhein jaanna hoga ki main yahova hoon.+
16 yah ek shokgeet hai aur log zaroor yah raag alapeinge,desh-desh ki aurtein ise alapeingi.
woh misra aur uski saari bheed ke liye ise alapeinge.’ saare jahan ke maalik yahova ka yah ailan hai.”
17 fir 12vein saal ke maheene* ke 15vein din yahova ka yah sandesh mere paas pahuncha:
18 “insan ke bete, misra ki bheed ke liye zor-zor se ro aur use aur taakatvar deshon ki betiyonn ko dharti ke neeche us gaddhe* mein utaar de, jahaan marnevale sabhi jaate hain.
19 ‘tujhe kya lagta hai, tu duniya mein sabse zyada khoobsoorat hai? neeche jaa, khatnarahit logon ke saath padi reh!’
20 ‘woh talvar se maare huon ke beech dher ho jaayenge.+ use talvar ke havale kiya gaya hai. use uski saari bheed samet ghaseetkar door le jaao.
21 kabraa ki gehraiyon se bade-bade diggaj sainik usse aur uske madadgaron se baat kareinge. misriyon ko talvar se maar daala jaayega aur woh zaroor neeche jaayenge aur vahaan khatnarahit logon ki tarah pade raheinge.
22 vahaan ashshoor apni poori toli ke saath pada hai. unki kabrein uske chaaron taraf hain, woh sab-ke-sab talvar se maare gaye hain.+
23 uski kabrein gaddhe* ki gehraiyon mein hain aur uski kabraa ke chaaron taraf uski toli ki kabrein bhi hain. unhonne jeete-ji logon* mein aatank faila diya tha, iseeliye woh talvar se maare gaye.
24 vahaan elam+ bhi pada hai aur uski kabraa ke aas-paas uski bheed ki kabrein hain jinhein talvar se maar daala gaya hai. unhein khatnarahit haalaat mein dharti ke neeche jaana pada kyonki unhonne jeete-ji logon* mein aatank faila diya tha. ab unhein unke saath apman sehna padega jo us gaddhe* mein jaate hain.
25 ghaat kiye huon ke beech uski sej lagayi gayi hai. uski kabraa ke chaaron taraf uski bheed ki kabrein hain. woh sab-ke-sab khatnarahit hain aur unhein talvar se maar daala gaya hai kyonki unhonne jeete-ji logon* mein aatank faila diya tha. ab unhein unke saath apman sehna padega jo us gaddhe* mein jaate hain. use ghaat kiye huon ke beech daal diya gaya hai.
26 vahaan meshek, toobal+ aur unki* saari bheed bhi padi hai. unki kabrein uski kabraa ke chaaron taraf hain. woh sab-ke-sab khatnarahit hain aur unhein talvar se bheda gaya hai, kyonki unhonne jeete-ji logon* mein aatank faila diya tha.
27 woh un khatnarahit shoorveeron ke saath pade raheinge jinhein maar giraya gaya tha aur jo apne yuddh ke hathiyar samet neeche kabraa mein chale gaye the. log unki talvarein unke sir ke neeche rakheinge* aur unke paap ki saza unki haddiyon tak ko milegi, kyonki in shoorveeron ne jeete-ji logon* mein aatank faila diya tha.
28 magar tujhe khatnarahit logon ke saath kuchal diya jaayega aur tu un logon ke saath pada rahega jinhein talvar se maar daala gaya tha.
29 vahaan edom+ bhi pada hai. uske raja aur sabhi pradhan bahot shaktishali hone ke baavjood un logon ke saath pade hain jo talvar se maar daale gaye the. woh bhi un logon ke saath pade raheinge jo khatnarahit hain+ aur us gaddhe* mein jaate hain.
30 vahaan uttar ke sabhi haakim* aur sabhi seedoni bhi pade hain.+ unhonne jeete-ji apni taakat ke dam par logon mein aatank faila diya tha, magar baad mein unhein sharmnak haalaat mein dharti ke neeche un logon ke beech jaana pada jo maar daale gaye the. woh khatnarahit haalaat mein un logon ke saath pade raheinge jinhein talvar se maar daala gaya tha aur woh un logon ke saath apman saheinge jo us gaddhe* mein jaate hain.
31 firaun yah sab dekhega aur uski bheed ke saath jo hua, use dekhkar dilasa paayega.+ firaun aur uski poori sena ko talvar se maar daala jaayega.’ saare jahan ke maalik yahova ka yah ailan hai.
32 ‘firaun ne jeete-ji logon* mein aatank faila diya tha, isliye use aur uski bheed ko un khatnarahit logon ke saath maut ki nind sula diya jaayega jinhein talvar se maar daala gaya tha.’ saare jahan ke maalik yahova ka yah ailan hai.”
kai footnote
^ shaa., “unki nadiyon.”
^ shaa., “nadiyon ke tal tujhse (ya tere saath) bhar jaayenge.”
^ shaayad yah 12vaan maheena tha. aay. 1 se milakar dekhein.
^ ya “kabraa.”
^ ya “kabraa.”
^ shaa., “jeeviton ke desh.”
^ shaa., “jeeviton ke desh.”
^ ya “kabraa.”
^ shaa., “jeeviton ke desh.”
^ ya “kabraa.”
^ shaa., “uski.”
^ shaa., “jeeviton ke desh.”
^ shaayad iska yah matlab hai ki yoddhaon ko samman dekar unki talvaron ke saath dafnaya jaayega.
^ shaa., “jeeviton ke desh.”
^ ya “kabraa.”
^ ya “aguve.”
^ ya “kabraa.”
^ shaa., “jeeviton ke desh.”
